Киин куорат олохтооҕо иэстэрин төлөөбөккө административнай эппиэтинэскэ тардылынна

Дьокуускай куорат суут бириистэптэрин көрүүтүгэр 40 саастаах олохтоох киһиэхэ сыһыаннаан араас категориялаах хас да дьыала көрүүгэ сылдьар, ол иһигэр саахал түмүгэр толуйуу төлөбүрүн биэрии, кирэдьииккэ, нолуокка уонна араас ыстарааптарга улахан иэстэнии. Бу туһунан Саха сиринээҕи Суут бириистэптэрин федеральнай сулууспа управлениетын пресс-сулууспата суруйар.

Ыстараап быһыытынан административнай сокуону кэһии иһин эр киһи аатыгар барыта 15 боротокуол оҥоһуллубут. Ыстараап төлөммөтөҕүнэн сибээстээн, эр киһини суукка ыҥырбыттар. Хас да боротокуолу дьүүллэһии түмүгүнэн судьуйа эр киһини административнай эппиэтинэскэ тардарга уураах таһаарда.

Эр киһини бастаан быстах кэмҥэ ИДьМ сулууспатын изоляторыгар 15 суукка устата тутуохтара, ол кэннэ буруйдаах 100 чаас устата булгуччулаах үлэни толоруоҕа уонна ыстарааптары икки төгүл үрдүк сууманан төлүөҕэ.