Киин куорат олохтооҕо мөлүйүөнтэн тахса солкуобайы түөкүттэргэ ыыппыт

Дьокуускай олохтооҕо харчыны үлүннэрэн ылаары 1,2 мөлүйүөн солкуобайы харчытын сүтэрдэ.

ИДьМ 4 №-дээх полициятын дьуһуурунай чааһыгар 50 сыллаах диспетчерскэй сулууспа началынньыга сайабалыанньа суруйда. Эр киһи  биир атыы-эргиэн платформатыгар киирэн, 3 мөлүйүөн солкуобайы үлүннэрэн ылбытын туһунан кэпсээбит. Ол кэннэ харчытын ылыан баҕарбыт да, платформа үлэтин эмискэ тохтоппуттар. Сотору кэминэн  киниэхэ биллибэт киһи телеграм нөҥүө харчытын төннүннэргэ эрэннэрбит. Эр киһиэхэ  үбү-харчыны төнүннэрэн ыларга атын киһини буларга көрдөспүттэр. Эмсэҕэлээччи биир үлэлиир коллегатын 1,2 мөлүйүөн солкуобайы кирэдьиит ыларга көрдөспүт уонна ылыахтаах харчытыттан төнүннэрэргэ дуогабардаспыт. Түөкүттэр ыйыыларынан эр киһи 1,2 мөлүйүөн солк. суума харчыны  счетка ыыппыт уонна эрэннэриллибит харчытын ылбатах. Онл кэннэ биирдэ эрэ эр киһи түөкүттэргэ түбэспитин өйдөөбүт да, бу кэмҥэ кини коллегатыттан иэс ылбыт харчытыттан маппыт.