Киин оройуоннарынан өрүс үрдүнэн айан-сырыы тохтотулунна

Саха сирин киин оройуоннарынан өрүс үрдүнэн айан-сырыы тохтотулунна. Кыһыҥҥы өрүс үрдүнэн суолларынан тырааныспар бары көрүҥэр сырыы бобулунна.

Өрүс кыһыҥҥы суола сабыллыыта муус устар 15 күнүттэн саҕаламмыта. Бүгүн Дьокуускай — Аллараа Бэстээх хайысханан Өлүөнэ өрүһү туоруур сүрүн суолунан сырыы тохтоото. Арктика уонна хоту оройуоннарынан суоллары муус устар 25 күнүгэр диэри сабыллаллара былааннанар.

Муус устар 16 күнүттэн Дьокуускай — Аллараа Бэстээх хайысханан салгын олбохтоох суудуналар пассажирдары таһаллар. Айан-сырыы сыаната — 2500 солк., муус барар кэмигээр сыаната 5000 солк. диэри үрдүөҕэ. 10 саастарыгар диэри пассажирдарга 50%-наах чэпчэтии көрүллэр. Босхо айан-сырыы оҕолорго биэс саастарыгар диэри уонна байыаннай дьайыы зонатыгар барар байыаннай сулууспалаахтарга көрүллэр. Гуманитарнай көмөнү уонна «груз 200» мэмиэ босхо таһыахтара.

Саха сирин Тырааныспарга министиэристибэтэ бобуулаах кэмҥэ өрүһүнэн айаннаабыттарга ыстараап көрүллэрин санатар:

• — гражданнарга — 3 тыһ. солкуобайтан 5 тыһ. солк. диэри;
• — дуоһунастаах сирэйдэргэ — 20 тыһ.солкуобайтан 50 тыһ. солк. диэри;
• — юридическай сирэйдэргэ -100 тыһ солкуобайтан 1 мөл.солк. диэри.