Киин улуустарга -45°С кыраадыс тымныйыа, туман түһүөҕэ

Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха сиринээҕи Гидрометеосулууспа саайта иһитиннэрэр.

Күүстээх тыаллаах, Эдьигээн улууһугар сорох сиринэн сөкүүндэҕэ 9-14 миэтэрэ, оттон Анаабыр, Булуҥ улуустарыгар сөкүүндэҕэ 19-24 м., хоту байҕал кытыытыгар сөкүүндэҕэ 25-30 м. тиийиэҕэ. Силлиэ, тибии түһэр.

Салгын температурата түүнүн -35…-40°, илин, хотугулуу-илин өттүгэр -39…-44°, намыһах сирдэргэ -45…-50°, соҕуруулуу-арҕаа, хотугулуу-арҕаа -30…-35°, Халымаҕа сорох сиринэн -20…-25° кыраадыс буолуо. Күнүс  -33…-38°, хотугулуу-илин намыһах сирдэргэ -38…-43°, соҕуруулуу-арҕаа, соҕуруу -28…-33°, Халымаҕа сорох сиринэн -18…-23°  кыраадыс тымныйыа.

Дьокуускайга түүнүн -35…-37°, күнүс -33…-35° кыраадыс тымныы. Хаар түһэр, сөкүүндэҕэ 1-4 миэтэрэ түргэннээх уларыйа сылдьар тыаллаах .