Киин улуустарга этиҥнээх ардах уонна тобурах түһүөҕэ
Саха сирин күнү-дьылы кэтээн көрөөччүлэрэ бүгүн, бэс ыйын 8 күнүгэр, тугу билгэлииллэр?
Өрөспүүбүлүкэҕэ киин улуустарга, соҕуруу сорох сиринэн кыратык ардыыр, ардыгар этиҥнээх ардах уонна тобурах түһэрэ күүтүллэр. Сөкүүндэҕэ 15-20 м/с диэри түргэннээх тыалырыа. Саха сирин арҕаа, илин өттүгэр, Арктика улуустарынан кыралаан ардыыр, муора кытылынан сөкүүндэҕэ 15-20 м/с түргэннээх күүстээх тыал түһүө.
Салгын температурата түүн +8+13°С, хотугулуу-илин, соуҕуруулуу-арҕаа күн көрдөҕүнэ -2,+3°С кыраадыска диэри сылыйар. Киин улуустарга, соҕуруу, Өлүөнэ алын тардыытынан, Бүлүү өрүс кытылынан +23+28°С, ардах түстэҕинэ +17+22°С кыраадыска диэри сылыйыа. Халыма-Индигиир улуустарынан +10+15°С, соҕуруулуу-арҕаа, илин +15+20°С, муора кытылынан 0,+5°С кыраадыс.
Дьокуускайга сөҥүүтэ суох, хотугулуу-арҕааттан түүн сөкүүндэҕэ 1-3 м/с түргэннээх тыаллаах, күнүс 3-8 м/с түргэннээх тыалырыа. Салгын температурата түүн +6+8°С, күнүс +26+28°С кыраадыс сылаас.
Сообщить об опечатке
Текст, который будет отправлен нашим редакторам: