Киин улуустарынан -15С кыраадыс буолара күүтүллэр

Субуотаҕа, алтынньы 26 күнүгэр, Саха сирин хотугулуу-илин, соҕуруулуу-илин уонна соҕуруулуу- арҕаа өттүгэр кыратык хаар түһэрэ күүтүллэр. Өрөспүүбүлүкэ атын улуустарынан сөҥүүтэ суох диэн Саха сиринээҕи УГМС саайтыгар биллэрдилэр.

Киин улуустарынан салгын температурата -10… -15С кыраадыска диэри тиийиэ, былыта суох буоллаҕына -20С кыраадыска диэри тымныйыа, күнүс  салгын температурата -6… -11С кыраадыс буолара күүтүллэр. Хоту улуустарынан тымныы: түүн -25…- 30С кыраадыс,  күнүс — 30, күнүс -15… -20С.

Соҕуруулуу-арҕаа, соҕуруу хаар түстэҕинэ салгын температурата барыллаан -6… -11С кыраадыс буолуоҕа. Ленскэй оройуонугар күнүс салгын температурата 0… -5С кыраадыска тиийиэҕэ.

Дьокуускайга эмиэ сылаас күн турар. Түүн синоптиктар салгын температурата -10… -12С тымныы буоларын күүтэллэр, күнүс -7… -9 С кыраадыс тымныйыа.