Киинэ бэстибээлигэр лауреаттар быһаарылыннылар

Норуоттар икки ардыларынааҕы киинэ  VIII бэстибээлин бастыҥ киинэтинэн Саха сириттэн Василий Слепцов “Сибэкки биэрээри” (“Подари мне цветы)  киинэтэ  ааттанан, бэстибээл Гран-притын ылла.

Атын номинацияларга кыайыылаахтар:

“Режиссер бастыҥ үлэтэ” — Роберто Минервини («Проклятые», Италия);

«Дьахтар бастыҥ оруола» — Молли Белл Райт («Омаха», АХШ);

«Эр киһи бастыҥ оруола» — Артур Аш («Эндж», Франция);

Оператор бастыҥ үлэтин иһин дьүүллүүр сүбэ анал бирииһэ — Тумпал Тампуболон («Крокодиловы слезы», Индонезия);

«За трогательный дебют» дьүүллүүр сүбэ диплома — Вячеслав Бутуханов («Мой друг нерпа», Бурятия/Арассыыйа).

Норуоттар икки ардыларынааҕы киинэ бэстибээлин дириэктэрэ Алексей Егоров:

“Ханнык баҕарар бэстибээл – киинэлэри эрэ көрдөрүү буолбатах, ону таһынан үөрэх-дьыалабыай бырагыраамалаах. Быйыл биһиги «Беларусьфильмы” уонна Кытайтан биир идэлээхтэрбитин кытары ыкса билсэр уонна сөбүлэһии түһэрсэр кыахтанныбыт. Онон, быйылгы  бэстибээл  саҥа саҕалааһыннары уонна норуоттар икки ардыларынааҕы таһымнаах сибээһи көҕүлүөҕэ дии саныыбыт”, — диэн сүрүн тирэҕи кэнники сылларга аан дойдуга барытыгар кэрэхсэнэр буолан эрэр Азия киинэтигэр уурарга былааннаналларын туһунан иһитиннэрдэ.

Сүрүн күрэстэһээччилэри сэргэ, бэстибээлгэ саха бырайыактарын эмиэ наҕараадалаатылар. Киинэни көрөөччүлэр бастыҥтан бастыҥнары онлайн-куоластааһынынан талбыттара кэрэхсэбиллээх. Ол курдук,  бастыҥ киинэнэн – Сандал Баишев «Диодорова: Против течения» киинэтэ ааттанна. Артыыстарга бастыҥ наҕараадалары  Татьяна Легантьева («Мин аатым Таптал») уонна  Дьулусхан Андросов («Триумф») ыллылар.

ЯСИА

«Сибэкки биэрээри» киинэ туһунан манна ааҕыҥ: