Тыйаатыр уонна киинэ эйгэтигэр 2022 сылга Саха сиригэр элбэх бэлиэ тэрээһиннэр аастылар, ситиһиилэр кэллилэр. Ол курдук, Арассыыйа бары национальнай тыйаатырдарын түмэр ассоциация тэриллибитэ.
Бэс ыйыгар ассоциация бастакы улахан тэрээһинэ – Национальнай тыйаатырдар кэнгириэстэрэ Саха сиригэр ыытыллыбыта, 38 национальнай тыйаатыр салалтата кэлэн бу эйгэҕэ бииргэ үлэлэһии былааннарын ырыппыттара. Киинэ эйгэтигэр сайдыы диэки биир улахан хардыынан “Олохтоох киинэни өйөөһүн” туһунан өрөспүүбүлүкэ саҥа сокуона олоххо киирбитэ. Бу сокуоҥҥа национальнай киинэни оҥорууга өрөспүүбүлүкэ үбүнэн кыттыһар усулуобуйалара ыйыллыбыттара. Саха сиригэр киинэ оҥоруута өссө күүскэ сайдарыгар, саҥа ааттар арыллалларыгар бу сокуон төһүү күүс буолуоҕа. Саха тыйаатыра бу күһүн Арассыыйа Аччыгый драматическай тыйаатырын сыанатыгар Андрей Борисов туруоруутугар «Илиир Хоруол» уонна «Алитет хайаҕа күрүүр» испэктээктэри көрдөрбүтэ. Опера уонна балет тыйаатыра дойдубут саамай биллэр сыаналарыгар – Большой уонна Мариинскай тыйаатырдарга Марк Жирков уонна Генрих Литинскэй «Ньургун Боотур» операларын ситиһиилээхтик, үрдүк таһымнаахтык туруоран Саха Өрөспүүбүлүкэтин үбүлүөйдээх сылын бэлиэтээтэ. Саха режиссердара, Степан Бурнашев, Дмитрий Давыдов, Любовь Борисова уо.д.а. оҥорбут киинэлэрэ Арассыыйа уонна тас дойдулар киинэ бэстибээллэрин сүрүн бириистэрин ыллылар.
Халлааммыт сылыйан, күммүт уһаан, дьон-сэргэ аны хайдах сайын кэлэрин билиэн баҕарар. Үгэс быһыытынан, норуот синоптига…
Нэдиэлэ бастакы күнүгэр Саха сиригэр синоптиктар тугу билгэлииллэр? Саха сиригэр киин оройуоннарга, хотугулуу-арҕаа, соҕуруулуу-илин, Өлүөнэ…
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …