Егор Карпов
Саха сирин бырабыыталыстыбата олохтоох киинэни өйүүр бырайыага салҕанар. Питчинг түмүгүнэн сэттэ бырайыак биһирэннэ, кыайбыт киинэ устааччылар уопсайа 20 мөлүйүөн солкуобай көмө харчыны үллэһиннилэр.
Кыайбыттар истэригэр Дмитрий Кольцов “Сулус” диэн уус-уран айымньыта бастакынан ааттанар (5,3 мөл. солк.). Санатан эттэххэ, Кольцов “Егор Чээрин” бырайыагы түмүктээбит режиссер. Өр сылларга соһуллан хаалбыт бырайыагы эстииттэн кини суруйбут сценарийа уонна режиссурата быыһаабыта. Өссө биир кыайыылаах бырайыагынан режиссер Вячеслав Семенов (“Мотуо”, “Лыах”) “Евстегнеич…” диэн уус-уран киинэтин сценарийа буолла (3,9 млн солк).
Үлэ туһунан номинацияҕа Апполинария Дягтерева “Присутствие” диэн ааттаах бырайыага кыайда (2,7 мөл. солк.). Режиссер, артыыс Валентин Макаров өйөбүл ылан (3,5 мөл. солк.) “Ол үлэтэ” диэн ааттаах оҕо киинэтин саҕалаата.
Документальнай киинэ номинацияҕа Александр Красновскай “Колымана” (2,5 мөл. солк.), Кыйаара Юмшанова “Чолбон: саха рок-муусукатын сүрэҕэ” (733 тыһ. солк.) диэн бырайыактара биһирэннилэр.
Саха суруйааччытын айымньытын экрааҥҥа таһаарыы номинацияҕа анаммыт үп (1,18 мөл. солк.) Никандр Федоров (“Миигин кытта үҥкүүлээ”) уста сылдьар “Хапсыһыы” диэн үлэтигэр барда. Эдэр режиссер тустуук Вячеслав Карпов туһунан дырааманы уста сылдьар.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…