Сценаристары үөрэтэр сааскы лаборатория АГИКИ пресс-сулууспата
Саха сиригэр киинэ оҥоруута сайдарын туһугар үлэ быыстала суох ыытыллар.
Киинэ биһиги эрэгийиэммитигэр салҕыы сайдарын туһугар дойду Бэрэсидьиэнэ Владимир Путин ааспыт сыл ыам ыйыгар таһаарбыт былааныгар икки чопчу туһаайыллыбыт сорудахтары биэрбитэ. Ол курдук, бастатан туран, Саха сиригэр үөскээбит «Экстра синема” диэн тыа сиригэр, кыра куораттарга киинэ көрдөрөр бырайыагы Арассыыйа үрдүнэн тарҕатыы туһунан этиллибитэ. Иккиһинэн, Дьокуускай куоракка толору киинэ оҥорор павильону бу кэлэр сылларга тутарга сорудахтаабыта. Билигин павильон тутуллар сирэ биллэр – Дьокуускай куорат 68 кыбаарталыгар сир анаммыта. Бу сиргэ үс эбийиэк тутуллуоҕа – устар павильон, устуудьуйа уонна хаһаайыстыбыннай тутуу. Бырайыактыыр симиэтэҕэ ыйыллыбытынан, тутуу үлэтэ 2025 сыл ортотугар саҕаланан баран 2027 сылга толору үлэтин түмүктэниэхтээх.
Маннык толору киинэ оҥорор павильону толору күүһүнэн үлэлэтэргэ 1500 үлэ миэстэтэ арыллара сабаҕаланар. Онон исписэлиистэри билиҥҥэттэн бэлэмнэнии үлэтин ыыта турар оруннаах.
Бу ый 8 күнүттэн АГИКИ үөрэх кыһата “Сааскы киинэ оскуолата” диэн сценарий суруйууга үөрэтэр лабораторияны аста. Үс нэдиэлэ иһигэр Арассыыйаттан киинэ улахан исписэлиистэрэ кэлэн куонкурус көмөтүнэн талыллыбыт дьону киинэни сүнньүлүүр сэһэннээһини суруйарга үөрэтиэхтэрэ.
“АГИКИ “Киинэ оскуолатын” бөдөҥсүтэн Уһук Илиҥҥи уонна Арктика эрэгийиэннэригэр тэнитэр былааннаах. Номнуо ДВФУ дьаһалтатын кытта киинэ оҥорууга үөрэтэр үөрэх бырагырааматын оҥорууга кэпсэтии бара турар. Киинэ Саха сиригэр креативнай экэниэмикэни өрө анньар сүрүн салаа буоларын быһыытынан, Арассыыйа Бэрэсидьиэнэ Владимир Путин улахан кинопавильон тутуутун өйөөбүтэ. Онон маннык үөрэх салаата олус ирдэнэр идэлэри таһаарар кыахтаах” диэн эттэ АГИКИ ректора Саргылаана Игнатьева.
Сыл аайы ыытыллар Илиҥҥи экэнэмиичэскэй пуорум 2026 сыл балаҕан ыйын 1-4 күннэригэр Владивостокка ыытыллыаҕа. РФ…
Үөһээ Бүлүү улууһугар ыытылла турар “Барахов ааҕыылара” үс бүк өрөгөйдөөх. Ол курдук, И.Н.Барахов аатынан 1-кы…
Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Ольга Балабкина олунньу 12 күнүгэр Бэчинчэҕэ судаарыстыбаннай былаас ситэриилээх уорганын…
Өрөспүүбүлүкэҕэ суукка иһигэр икки буруйу оҥоруу таҕыста, холуобунай дьыалалары силиэстийэлээһини борокуратуура хонтуруолугар тутан олорор. Горнай…
“Саха сирэ” хаһыат үүт соҕотуопкатын боппуруоһун болҕомто киинигэр өрүү тутар. Ааспыт нэдиэлэҕэ “Үүт харчыта төлөннөҕүнэ,…
Олунньу 13 күнүгэр түүн 00:15 чааска Мииринэйдээҕи диспетчерскэй сулууспа дьуһуурунайыгар икки эр киһи сүппүтүн туһунан…