Киинэ тыйаатырыгар пуховик уорбут дьахтар тутулунна

ИДьМ сулууспатын  2-с нүөмэрдээх полиция отделын дьуһуурунай чааһыгар уол оҕо аҕата таҥас уорбуттарын тыллаабыт. Эр киһи быһаарбытынан, уола киинэ тыйаатырыгар пуховигын хаалларбыт, онтон кэлин уоруллубутун билбит. Материальнай хоромньуа 15 000 солкуобайга тэҥнэспит.

Холуобунай ирдэбил үлэһиттэрэ ыыппыт тэрээһиннэрин түмүгэр, уорууга уорбаланааччыны быһаарбыттар. Уус-Алдан улууһуттан төрүттээх 58 саастаах дьахтар буолара биллибит.

Кэлин бБыһаарыллыбытынан, дьахтар киинэ тыйаатырыгар киирэн, киинэ саалатын аанын аттыгар ыйанан турар куурканы билбэттэринэн уорбут. Уорбаланааччы этэринэн, атын киһи куурката бэйэтин киэниттэн сылаас буолан пуховигы ылбыт. Уоруллубут мал былдьанна.

РФ Холуобунай кодексатын 158-с ыстатыйатын 2-с чааһынан («Уоруу») холуобунай дьыала тэрилиннэ. Бу ыстатыйанан  дьахтар 5 сылга диэри көҥүлэ быһыллыан сөп  диэн ИДьМ-ын пресс-сулууспата иһитиннэрэр.