Киинэҕэ оонньообут дьэлиҥдэлэргэ

Бэҕэһээ Өлөөн улууһун Дьэлиҥдэ национальнай нэһилиэгэр өрөспүүбүлүкэ бырабыыталыстыбатын отчуота саҕаланна.

«Долбор» образцовай ансаамбыл, «Aaрык» норуодунай ансаамбыл эҕэрдэлээтилэр.
Норуодунай дьокутаат Елена Голомарева өрөспүүбүлүкэ сокуоннарын федеральнай таһымҥа таһаарыыга үлэлэспитин эттэ. Дьэлиҥдэ олохтоохторо кыттыылаах саҥа киинэ прокакка тахсан, биһирэбили ылбытын аҕынна.

Улуус дьокутаата Евдокия Григорьева нэһилиэккэ дивидент кэлиитин, нэһилиэк суолун оҥорууну туруоруста. Евдокия Кривошапкина алмаастаах хампаанньаҕа үлэлээччилэри бастайааннай төрүккэ ылыыны, бородууктанан хааччыйыыны туруоруста.

Нэһилиэк бырааһа суох олорбута сыл буолбут. Улууска үчүгэй хирург наада диир Евдокия Кривошапкина. Ол эрээри быраас олороругар дьиэ наада эбит.