Андрей Сорокин, СИА хаартыската.
Өскөтүн кыбартыыраҕа киирэр аан тас өттүгэр арыллар буоллаҕына, дьиэ-уот бас билээччитэ ботуччу ыстарааптаныан сөп.
Бу сыл олунньу 1 күнүттэн ыстараап кээмэйэ 10 тыһыынча солкуобайтан 15 тыһыынча солкуобайга диэри улаатта. Бу туһунан ОДьКХ реформатын проблемаларыгар эспиэр Виктор Федорук «Аргументы уонна факты» кытары сэһэргэһиигэ кэпсээтэ.
«Дьиэни бас билээччи баһаартан сэрэхтээх буолуу быраабылатын тутуһуохтаах, кыбартыыратыгар түргэнник умайар убаҕастары харайарыттан аккаастаныахтаах, балкон иһигэр бөх-сыыс мунньарын тохтотуохтаах, кыбартыыраҕа ааннарын тугунан да мэһэйдэтиэ суохтаах, кыбартыыраҕа киирэр аана ис өттүгэр арыллыахтаах. Ити барыта баһаар тахсар түгэнигэр дьону эвакуациялааһыҥҥа мэһэйдэри үөскэтэр кыахтаахтар», — диэн эспиэр быһаарар.
Билигин хас биирдии таһынааҕы ыаллыы олорор хаһаайыттар кыбартыыра аана иһигэр арылларын ирдэһэр бырааптаахтар. Бу сырыыга дьиэ хаһаайына утарыластаҕына, дьыаланы суут эрэ быһаарар. Суут көрүүтүгэр киирбит маннык дьыалалар элбэхтэр, арай судьуйа сокуон хараҕынан ирдэһээччи өттүгэр турунара баар суол. «Холобур, кыбартыыра аана тас өттүгэр подъезд көрүдүөрүн диэкки арыллар түгэнигэр мэһэйдэри үөскэтэр», — диэн Федорук быһаарда.
Олунньу 17 күнүгэр күүтүллэр Күн өлүүтэ Арассыыйа сиригэр-уотугар көстүө суоҕа. Бу туһунан Москватааҕы планетарий пресс-сулууспата…
Ытык Күөлгэ Норуот айымньытын дьиэтигэр улуустааҕы төрөппүттэр түмсүүлэрин тэрийиитинэн "Родные-Любимые" пуорум ыытылынна. Бу пуорум биһиги…
Бүлүү улууһун борокуратуурата 85 саастаах дьахтар кыыһын сайабылыанньатынан аҕам саастаах олорор дьиэҕэ бырааба тутуһуллуутун бэрэбиэркэлээтэ.…
Арассыыйаҕа былырыын иккис ырыынакка кытай массыыналарын атыыта икки төгүл үрдээбитэ бэлиэтэммитэ. Итиниэхэ ордук 2021-2025 сыллардааҕы…
Дьокуускай куорат борокуратуурата 1997 с.т. олохтоох киһиэхэ сыһыаннаах холуобунай дьыалаҕа буруйдуур түмүгү бигэргэттэ диэн Саха…
Бу күннэргэ Хаҥалас уонна Абый улуустарын дэлэгээссийэлэрэ байыаннай дьайыы зонатыгар үлэлииллэр. Донецкай Норуодунай Өрөспүүбүлүкэҕэ Саха…