Кикбоксердар аан дойду куубагын финалыгар киирдилэр

Саха сирин кикбоксердара Беларуська Аан дойду куубагар (WKF) полуфиналга ситиһиилээхтик кииристилэр. Билигин кыһыл көмүс иһин туруулаһыахтара.

Бастакынан рингэҕэ Айтал Петров (70 киилэҕэ диэри) таҕыста. Кини утарсааччыта — Беларусьтан Саймон Ступакевич. Уолбут   чаҕылхай киирсиини көрдөрдө. Ол эрээри бу сырыыга арбитрдар Беларусь бэрэстэбиитэлин диэки буоллулар. Айтал Петров боруонсаҕа тигистэ.

Икки киирсиигэ биһиги уолаттарбыт рингэҕэ аҥаардастыы аатырдылар. Михаил Слепцов (54 киилэ) уонна Тимофей Сивцев (57 киилэ) утарсааччыларын кыайан, финалга таҕыстылар.

Сүүмэрдэммит хамаанда лиидэрэ Михаил Иванов полуфиналга киирсибэтэ. Кини утарсааччыта рингэҕэ киирбэтэ, онон спортсмеммыт финалга быһа таҕыста.

Биһиги байыаспыт Адулай Хуцуруев (91 киилэ) бу киэһэни түмүктээтэ. Икки тэҥнээх киирсиитэ буолла. Ол эрээри финалга утарсааччыта киирдэ. Адулай Хуцуруев боруонса мэтээл хаһаайынынан буолла.

@triumphsakha,  @teamsakha