Киксэрээччилэр аны оҕолорунан киирэр буолбуттар

Арассыыйа араас эрэгийиэннэрин үөрэнээччилэригэр, дойдубут утары үлэлиир киксэрээччилэр кутталлаах, сэрэхтээх суруктары суруйталыылларын туһунан иһиллэн эрэллэр.

“Киксэрээччилэр дойду үрдүнэн оҕолорго мессенджердарыгар суруйаллар, теракт оҥоруҥ диэн этэллэр. Харчы, наркотик, арыгы биэриэх буолан эрэннэрэллэр. Оҕолору эһиги тускутунан дааннайы барытын билэбит диэн куттууллар. Сэрэхтээх буолуҥ. Маннык ис хоһооннох иһитиннэриини туттаххытына тута хааччахтааҥ. Маннык дьону кытта кэпсэппэттэрин курдук доҕотторгутугар этиҥ” – диэн Куттала суох интэриниэт лигатын баһылыга Екатерина Мизулина Телеграм-ханаалыгар суруйар.