“Килбиэнстрой” ХЭУо салайааччытыгар көбүтүллүбүт холуобунай дьыала суукка барда

Боломуочуйанан туһаныыга уонна түөкүннээһиҥҥэ буруйданар “Килбиэнстрой” ХЭУо салайааччытыгар көбүтүллүбүт холуобунай дьыала суукка барбыт. Бу туһунан өрөспүүбүлүкэ борокуруорун сонуну киэҥник тарҕатар ситимнэри кытта үлэҕэ старшай көмөлөһөөччүтэ Марианна Рожина иһитиннэрэр.

Силиэстийэ быһаарбытынан, буруйданааччы 2020 сыл кулун тутарыттан ааспыт сыл сэтинньитигэр диэри, албыннаан 7 киһини кытта олорор уонна хаһаайыстыбаннай (нежилой) дьиэлэри тутуом диэн сөбүлэҥ түһэрсибит. Маныаха кинилэр төлөөбүт харчыларын чааһын атын сыалга туһаммыт.

Дьон иннигэр эбэһээтилистибэ толоруллубатах, эбийиэктэр тутуулара бүппэтэх.

Хоромньу уопсай суумата 24 мөл. солк. тахсаҕа тэҥнэһэр.