Хаартыска: Дьокуускайдааҕы килиэп кэмбинээтэ
Киин куорат олохтоохторо Дьокуускайдааҕы килиэп кэмбинээтин килиэбэ кээмэйэ кыччаабытын бэлиэтээн, ЯСИА суруналыыстарыгар ыйытыы биэрдилэр.
Кэмбинээт пресс-сулууспата ЯСИА эрэдээксийэтигэр иһитиннэрбитинэн, бу атыылаһааччы ирдэбилэ уларыйбытынан сибээстээх.
«От ыйын 22 күнүттэн Дьокуускайдааҕы килиэп кэмбинээтэ бастакы суортаах бурдуктан оҥоһуллар «Пшеничнай» уонна «Дарницкай» килиэптэри саҥа, 550-нуу грамм ыйааһыннаах гына оҥорон таһаарар. Бу килиэптэр саҥа ыйааһыҥҥа көһүүлэрэ, бородууксуйа күннээҕи сибиэһэйин харыстыыр сыалтан, атыылаһааччылар кыра ыйааһыннаах уонна быһыллыбыт оҥоһуктары ордорор буолбуттарынан сибээстээх. Онуоха бу килиэптэр сыаналарын түһэрдилэр, ол биһиги атыылаһааччыларбытыгар хаачыстыбалаах бородууксуйаны ордук чэпчэки сыанаҕа атыылаһар кыаҕы биэрэр», — диэн килиэп кэмбинээтиттэн СИА ааҕыныстыбатыгар быһаардылар.
Урут «Пшеничнай» килиэп 700 грамм ыйааһыннааҕа, сыаната 64 солк. этэ. Саҥа сыаната — 56 солк. «Дарницкай» 650 грамм ыйааһыннааҕа, сыаната 64 солк. этэ. Билигин — 58 солк.. Ону таһынан хампаанньаҕа, килиэп ГОСТ уонна ырыынак ирдэбиллэригэр эппиэттиирин бэлиэтээтилэр.
Дьокуускай куоракка полиция 3 нүөмэрдээх отделыгар 100 тыһ. солкуобайдаах суотабай төлөпүөнүн уордарбыт киһиттэн сайабылыанньа киирбит.…
Ил Дархан Айсен Николаев Аҕа дойду Дьоруойдарын күнүнэн эҕэрдэлээтэ. - Бүгүн биһиги Аҕа дойду Улуу сэриитин …
Бүгүн Арассыыйаҕа Аҕа дойду Дьоруойдарын бэлиэтиир күн. Бу күн 22-с №-дээх олунньу 28 күнүнээҕи 2007…
Бэҕэһээ икки балыксыт сүппүтүн туһунан саайпытыгар суруйбуппут. СӨ Быыһыыр сулууспата иһитиннэрбитинэн, икки сүппүт киһи өлүгэ…
Бүгүн, ахсынньы 9 күнүгэр, Булуҥ, Анаабыр улуустарыгар соҕуруулуу-арҕааттан 18-23 м., түүн 25-30 м. түргэннээх тыал…
Бүгүҥҥүттэн Бүтүн Арассыйатааҕы “Сыл учуутала-2025” күөн күрэс өрөспүүбүлүкэтээҕи түһүмэҕэ саҕаланна. Быйыл өрөспүүбүлүкэ араас улуустарыттан барыта…