Хаартыскаҕа Светлана Павлова түһэриитэ
ХИФУ наукаҕа уонна инновацияҕа проректора Евгений Соловьев төгүрүк остуол тула ыытыллыахтаах анал тиэмэлэринэн дьүүллэһиилэр килиимэт, айылҕа уларыйыыларын, олор содулларын, дьайыыларын быһаарыыга ананан ыытыллыахтара диэн санаатын үллэһиннэ.
Ол курдук, бу кэпсэтиилэргэ аан дойду үрдүнэн килиимэт уларыйыыта бара турар итиэннэ техногеннай дьайыылар тахсыталыыр усулуобуйаларыгар Саха сирин Арктикатааҕы уонна ол чугаһынааҕы тулалыыр айылҕатын ситимигэр экология өттүнэн чөл буолууну хааччыйыы боппуруостара кытта көрүллэллэрин туһунан киэҥ ырытыылаах дьүүллэһиилэр буолуохтара.
— Пленарнай мунньах кэмигэр Арассыыйа эрэгийиэннэриттэн кэлбит учуонайдар ирбэт тоҥу харыстааһыҥҥа уонна килиимэт уларыйыытыгар бэйэлэрэ ыыппыт уопуттарын билиһиннэриэхтэрэ. Дьокуускайга бу ыытыллар кэпсэтиилэргэ Москваттан уонна Санкт-Петербургтан санаа атастаһар былаһааккалартан студиялар холбонон кыттыахтара. Ол курдук, Арассыыйа уонна Азия арктикатааҕы чинчийиилэргэ консорциумуттан санаа атастаһыытын былаһааккатыттан, Национальнай чинчийиилэргэ Томскайдааҕы судаарыстыбаннай университеттан, Хотугу (Аартыкатааҕы) федеральнай университеттан, Харбиннааҕы технология институтуттан, Даляннааҕы муора университетыттан уонна атыттартан спикердэр кыттыахтара.
Маны сэргэ учуонайдар айылҕа харыстабылын хайысхаларыгар үлэлиир урбаанньыттары кытта көрсүһүүлэригэр, ыччаттар ити хайысханан билимҥэ бырайыактарыгар туспа суолта ууруллуоҕа. Онон кулун тутар 22-24 күннэригэр буолаары турар кэмпириэнсийэҕэ технологиялар быыстапкаларыттан саҕалаан, төгүрүк остуоллар, санаа атастаһыылара, дьүүллэһиилэр былаһааккалара, лиэксийэлэр, дакылааттар ыытыллыахтара. Ол барыта – килиимэт уларыйыытын уонна ирбэт тоҥ ириитин боппуруостарын быһаарар суоллары тобулууга туһуланыахтара, — диэн санаатын үллэһиннэ.
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…