Хаартыскаҕа Николай Борисов түһэриитэ, СИА
Килиимэт уларыйыытын уонна ирбэт тоҥ ириитин боппуруостарыгар норуоттар икки ардыларынааҕы научнай-практическай кэмпириэнсийэ Саха сиригэр икки сылга биирдэ утумнаахтык ыытылла туруохтааҕын туһунан «Россия сегодня» норуоттар икки ардыларынааҕы мультимедийнай пресс-кииҥҥэ ыытыллыбыт пресс-кэмпириэнсийэҕэ РФ Бэрэсидьиэнигэр СӨ бэрэстэбиитэлэ Андрей Федотов кэпсээтэ диэн СӨ Баһылыгын уонна Бырабыыталыстыбатын дьаһалтатын пресс-сулууспата иһитиннэрэр.
Бу хайысхаларга билим өттүттэн араас өрүттээх чинчийиилэр түмүктэригэр Саха сиригэр улахан уопут мунньуллубутун туһунан Ил Дархан Айсен Николаев эрдэ бэлиэтээн этэн турар.
— «Росгидромет», Арассыыйа Билимин акадьыамыйата, ХИФУ, Саха сирин Бырабыыталыстыбата уонна Билимин акадьыамыйата килиимэт уларыйыытын уонна ирбэт тоҥ ириитин боппуруостарыгар норуоттар икки ардыларынааҕы научнай-практическай кэмпириэнсийэ Саха сиригэр икки сылга биирдэ ыытыллан иһиэхтээҕин туһунан Сөбүлэһиигэ илии баттаһыахтара. Бастакы уонна онтон кэлэр кэмпириэнсийэлэри тэрийэн ыытыыга «Хотугу сир: бигэ сайдыы сирэ-уота» эрэгийиэннэр икки ардыларынааҕы билим уонна үөрэх киинин үлэтин биир сүрүн хайысхатынан буолуоҕа. Кэмпириэнсийэ чэрчитинэн геокриологтар ассоциациялара тэриллэрэ сабаҕаланар. Үчүгэйэ диэн, бу – эдэр учуонайдар көҕүлээһиннэрэ. Арктика аан дойду, ол иһигэр, соҕуруу дойдулар, килиимэттэрин туругар улахан оруоллааҕын быһыытынан маннык кэмпириэнсийэ ыытыллыытыгар элбэх дойдулар учуонайдара, уопсастыбаннастара улахан интэриэстээхтэр. Онон Арассыыйаттан, Кытайтан, Индияттан, Казахстантан, Киргизияттан, Монголияттан, Бразилияттан, АХШ-тан, Японияттан барыта 200-тэн тахса эспиэр кыттаары сылдьаллар. Маны таһынан Арктика сиригэр үлэлиир предприятиелартан элбэх бэрэстэбиитэл кыттара күүтүллэр.
Нэдиэлэ устата барбыт Бүтүн Арассыыйатааҕы “Сыл учуутала-2024” күрэс Саха сиринээҕи түһүмэҕэ түмүктэннэ. Үөрүүлээх быһыыга-майгыга лауреаттар,…
“Бары бииргэ Кыайыыга!” 1-кы Өрөспүүбүлүкэтээҕи байыаннай-патриотическай пуорумҥа “Покров и защита” уордьанынан Афганскай сэрии бэтэрээнэ Валерий…
«Сахафильм» устуудьуйата уонна СӨ Национальнай бибилэтиэкэтэ «Киинэни ааҕабыт!» бырайыагы үлэлэттилэр . Ол курдук, Саха сирин…
Дьокуускайга полиция сулууспата сокуоннайа суох арыгы атыылааччылары буларга туһуламмыт рейдэлэри салгыы ыытар. Ол курдук, сокуоннайа…
Арассыыйа бырабыыталыстыбата 15 эрэгийиэҥҥэ, ол иһигэр Саха сиригэр, тыа хаһаайыстыбатын сирдэрин оҥорууга үлэ ороскуотун толуйуу…
Былырыын 2023 сыллаахха Былатыан Ойуунускай төрөөбүтэ 130 сылынан Чөркөөххө “Хомуур олоҥхо” түһүлгэ тэриллибитэ. Бырайыак ааптарынан…