Салгыы
Килиимэт уларыйыытын ырытыахтара

Килиимэт уларыйыытын ырытыахтара

Ааптар:
08.03.2023, 12:00
Хаартыска "Россия сегодня" ММПЦ МИА
Бөлөххө киир:

Килиимэт уларыйыыта уонна ирбэт тоҥ ириитин кыһалҕата. Килиимэт ирбэт тоҥҥо дьайыыта. Дьокуускайга бу тиэмэҕэ анаммыт норуоттар икки ардыларынааҕы киэҥ далааһыннаах пресс-кэмпириэнсийэ кулун тутар 22-24 күннэригэр буолаары турар. Бу Арассыыйа Арктика сэбиэтигэр 2021-2023 сс бэрэссэдээтэллээһинин былааныгар сөп түбэһэн ыытыллар.

Тэрээһин түһүлгэтигэр РФ Уһук Илини уонна Арктиканы сайыннарыыга миниистир Алексей ЧЕКУНКОВ; РФ Айылҕатын ресурсатын уонна экологиятын миниистирэ Александр КОЗЛОВ; Арктика Сэбиэтигэр РФ үрдүк сололоохторун кэмитиэтин бэрэссэдээтэлэ, РФ Тас дьыалаларга министиэристибэтин посола Николай КОРЧУНОВ; СӨ Ил Дархан Айсен НИКОЛАЕВ; РНА академига, РНА А.М.Обухов аатынан атмосфера физикатын институтун дириэктэрин солбуйааччы Владимир СЕМЕНОВ; РНА СО П.И.Мельников аатынан ирбэт тоҥу чинчийэр институт дириэктэрэ Михаил ЖЕЛЕЗНЯК; Плейстоцен пааркатын дириэктэрэ Никита ЗИМОВ кыттыыны ылыахтара.

Тэрээһин иитинэн, бырагыраама, килиимэт уларыйыытыгар уонна ирбэт тоҥу үөрэтиигэ туһуламмыт боппуруостарынан суолталаах ыҥырыылар, норуоттар икки ардыларынааҕы уонна Арктика боппуруостарыгар холбоһуктаах бырайыактарынан бииргэ үлэлээһин инникитин сыаналааһын, о.д.а. көрүллүөхтэрэ.

Научнай-практическай кэмпириэнсийэҕэ Арассыыйаттан, КНР, Индияттан, Казахстантан уо.д.а. дойдулартан уопсайа 200-тэн тахса эспиэр кэлэрэ күүтүллэр. Кыттааччылар ортолоругар үрдүкү салалтаттан бэрэстэбиитэллэр, ол иһигэр РФ миниистирдэр, Арассыыйа арктическай субъектарыттан, РФ уонна тас дойдуттан учуонайдар, экэнэмиистэр, инженердэр, тутааччылар, биисинэс бэрэстэбиитэллэрэ кыттыахтара.

Кэмпириэнсийэни тэрийээччилэринэн СӨ Бырабыыталыстыбатын кытта РФ Уһук Илини уонна Арктиканы сайыннарыыга министиэристибэ буолаллар. Оператор — «Росконгресс» пуонда.

Иһитиннэрэр-көрдөрөр маассабай сириэстибэлэр бэрэстэбиитэллэрэ пааспардаах, СМИ суруналыыһа буолара бигэргэтиллибит эрэдээксийэттэн дастабырыанньалаах уонна аккредитацияланнахтарына киирэллэр.

«Россия сегодня» ММПЦ МИА

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 мая
  • 7°C
  • Ощущается: 6°Влажность: 39% Скорость ветра: 2 м/с

Сообщить об опечатке

Текст, который будет отправлен нашим редакторам: