Мария Васильева хаартыската, СИА.
ХИФУ Айылҕа билимигэр институтугар хотугу эрэгийиэннэр килиимэттэрин, экосистиэмэлэрин чинчийиигэ лабораториятын сэбиэдиссэйэ Күннэй Кириллина үнүбэрситиэт инникитин Саха сирин килиимэтигэр туох уларыйыылар тахсыахтарын сабаҕалыыр чинчийиилэри ыытыаҕын туһунан үнүбэрситиэт саайта кэпсиир.
— Дуоктар аатыгар киирсэргэ суруйбут үлэбэр Кэйо Үнүбэрситиэтин бэрэпиэссэрэ Ванглин Ян салалтатынан Саха сирин холобуругар киһи, сүөһү, кыыл-сүөл, килиимэт дьайыыларын түмүгэр ойуур баһаардара төһө кэминэн төһө сиргэ-уокка тахсыахтарын сөбүн чинчийбитим. Оскуола сааспыттан төрөөбүт Горнайым улууһугар килиимэт уларыйыытын чинчийиинэн дьарыктаммыт буоламмын, интэриэһиргиибин. Ол иһин докторскай үлэм кэнниттэн климатологиянан дьарыктанарга санаммытым.
Аспирантура кэмигэр чинчийии ыытарбар өрөспүүбүлүкэ бүттүүнүн сирин-уотун таһымыгар килиимэт уларыйыытын үөрэппитим. Оттон докторантура кэмигэр Саха сиригэр килиимэт уларыйыыта ойуур баһаардара элбээһинигэр туох оруоллаахтарын чинчийбитим. Билигин Саха сиригэр, быысаһа сытар эрэгийиэннэргэ уонна аан дойду хотугу дойдуларыгар килиимэт уларыйыыларын боппуруостарын кэлимник чинчийэ сылдьабын. Лаборатория үлэһиттэрин кытта биһиги өрөспүүбүлүкэ килиимэтигэр тахса турар аныгы уларыйыылар туохтан буолалларын төрүөттэрин, мэхэньиисимнэрин үөрэтэбит. Аныгы килиимэт барылларыгар олоҕуран, өрөспүүбүлүкэ килиимэтэ инникитин хайдах буолуон сөбүн сабаҕалыыр үлэни ыытыыны быйылгыттан саҕалыахпыт.
«Дальний Восток – Земля приключений» куонкуруска “Тропами Победы” (“Кыайыы ыллыгынан”) диэн саҥа номинация баар буолла.…
Саха сиринээҕи ИДьМ наркотигы хонтуруоллуур отделын үлэһиттэрэ бобуулаах веществолары сокуона суох тарҕатыыга уорбаланар 30 саастаах…
Леонид Попов аатынан Сунтаар улуустааҕы библиотекатын айымньылаах үлэтин биир бэлиэ көстүүтүнэн үгэс курдук ыытыллар “Сунтаар…
Өрөспүүбүлүкэтээҕи Олоҥхо ыһыаҕын сүрүн түгэннэриттэн биирдэстэринэн «Батыйа - эр хоһуун санаа уонна үрдүк таһым бэлиэтэ»…
Нерюнгригэ Олоҥхо ыһыаҕар түөрт сыллааҕыта Үөһээ Бүлүүгэ саҕаламмыт «Олоҥхону ааҕабыт» бырайыак салҕанна. Үгэс курдук, бырайыагы…
Саха сиригэр 1 тииптээх саахарынай диабеттаах 2-17 саастаах оҕолор сыл бастакы аҥаарыгар глюкоза тиһигин быспат…