СИА хаартыската
Ааспыт сылга дьарыктаах буолуу сулууспаларыгар үлэ ыйыталаһан 6,5 тыһ.дьахтар сылдьыбыт.
Бу үлэ көрдөөччү уопсай ахсааныттан 51% буолар. Итинтэн 3,5 тыһ. үлэнэн хааччыллыбыт. Ол иһигэр бастайааннай үлэнэн 2,6 тыһ. дьахтар. 930 — быстах үлэнэн. Бу туһунан нэһилиэнньэ дьарыктаах буолуутун кэмитиэтэ иһитиннэрэр.
Былырыын бу кэмитиэт, нэһилиэнньэ дьарыктаах буолуутун киинэ, үлэ министиэристибэтэ, урбаан министиэристибэтэ, ыччат министиэристибэтэ кыттыылаах «Женщина села. Время действовать» бырайыак саҕаламмыта. Бу бырайыагынан аҕыс улууска — Үөһээ Бүлүүгэ, Дьааҥыга, Мэҥэ Хаҥаласка, Намҥа, Сунтаарга, Тааттаҕа, Уус Алдаҥҥа, Чурапчыга дьарыктаах буолуу киинигэр Дьахталлар кулууптара тэриллибит. Үлэнэн хааччыйар уонна бэйэ дьыалатын тэрийэргэ көмөлөһөр, өйөбүл буолар соруктаах.
Бырайыак олоххо киирэн, 2024 сылга, 461 дьахтар үлэлэммит. Ол иһигэр 157-тэ бэйэ дьыалатын тэриммиттэр, 63 дьахтар үөрэххэ ыытыллыбыт.
Ити түмүгэр, 618 дьахтар дохуота үрдээбит. Пилотнай улуустарга үлэтэ суох буолуунан регистрацияланыы көрдөрүүтэ намтаабыт. Аны билигин, бырайыак үтүө түмүктэри көрдөрөрүнэн, өрөспүүбүлүкэҕэ өссө итинниккэ майгынныыр бырайыагы тэрийэн олоххо киллэриэххэ сөп диэн этэллэр.
2024 сылга биир кэмнээх үбүнэн-харчынан көмө дьарыктаах буолуу иитинэн 88 киһиэхэ көрүллүбүтүттэн — 58 дьахтар. Кинилэр таҥас тигиитинэн, аһынан-үөлүнэн, кондитерскайынан, гостиницанан, уопсастыбаннай аһылыгы тэрийиинэн, үөрэх эйгэтинэн, парикмахерскайынан уо.д.а. өҥөнү оҥоруунан дьарыктаналлар. 2025 сылга үбүнэн-харчынан көмөнү 62 киһиэхэ оҥорору былаанныыллар.
Сиһилии https://www.sakha.gov.ru/news/front/view/id/3486100 манна көрүөххүтүн сөп.
СӨ Ил Дарханын уонна Бырабыыталыстыбатын пресс-сулууспата
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…