Уус Алдан улууһугар Суотту орто оскуолатыгар төрөөбүт тыл нэдиэлэтин чэрчитинэн бэтэрээн учуутал, СӨ норуотун үөрэҕириитин туйгуна Роза Ивановна Татаринова ийэтигэр Ксения Васильевна Гаврильеваҕа анаан таһаарбыт кинигэтин биһирэмэ буолла.
Ыҥырыылаах ыалдьыттарынан бэтэрээн учууталлар Бочкарева Т. В., Мигалкин Г. Г., Свинобоева Е. И., оскуола дириэктэрэ И. М. Петухова, учууталлар А. И. Копырина, И. Р. Ядрихинская кинигэ туһунан бэйэлэрин санааларын үллэһиннилэр. Кинигэ библиографическай тутулун туһунан Суотту модельнай бибилэтиэкэтин бибилэтиэкэрэ Р.Н.Черкашина олус интэриэһинэйдик кэпсээтэ. Ксения Васильевна Ленинград блокадатын кэмигэр саха театральнай студиятыгар үөрэммит. Роза Ивановна кыыһа Л.В.Захарова кылааһын оҕолоро театральнай студия оҕолорун тустарынан инсценировка көрдөрөн дьон-сэргэ улаханнык долгуйда, көрөөччүлэр сэҥээрдилэр. В. З. Стрекаловская туруорбут Иван Гоголев «Кэрэ көмүскэлэригэр» испэктээгиттэн быһа тардыы көрөөччүлэр биһирэбиллэрин ылла.
Тэрээһини оскуола түмэлин үлэһитэ Т.П.Васильева иилээн-саҕалаан ыытта. Оскуола оҕолоро олус сэҥээрэн иһиттилэр, билиилэрин-көрүүлэрин хаҥаттылар. Онон олус туһалаах тэрээһин буолла.
Аксиния Копырина,
Суотту орто оскуолатын учуутала.
Хаартыскалар А.Копырина тиксэриилэрэ
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…