Хаартыска: Чэмэлиинэ Скрябина тиксэриитэ.
Кинигэни таптааччылар аан дойдутааҕы күннэригэр СӨ Уопсастыбаннай балаатата “Ааҕар дьиэ кэргэн – ааҕар нация” диэн социальнай бырайыагы Култуура министиэристибэтин, Национальнай бибилиэтиэкэни кытта ыыттылар.
Аахсыйа түмүктэрин атырдьах ыйын 9 күнүгэр Эргэ куоракка ыытыллыбыт “Книговорот в старом городе” бэстибээлгэ таһаарбыттара.
Бу бэртээхэй тэрээһиҥҥэ куорат элбэх оҕолоох ийэлэрин уопсастыбаннай холбоһуга үөрэ-көтө кытынна. Кырачааннар төрөппүттэрин кытта кэлэн, интэриэһинэй тэрээһиннэргэ, интерактивнай былаһааккаларга оонньоотулар, кинигэлэри атыыластылар. Уопсастыбаннай үлэҕэ көхтөөхтүк кыттар дьиэ кэргэттэргэ Үлэҕэ, социальнай сайдыыга министиэристибэтин Махтал суруктарын туттардылар.
“Оҕолор ордук куукула быыстапкатын интэриэһиргээтилэр. Оттон биһиги сэбиэскэй саҕанааҕы кэми, оҕо сааспытын санатар кинигэлэри, аккырыыккалары, халандаардары, значоктары астына көрдүбүт”, — диир элбэх оҕолоох ийэ Чэмэлиинэ Скрябина.
“Олус үчүгэй тэрээһиҥҥэ сырыттыбыт, — диэн санаатын үллэстэр 5 оҕо ийэтэ Анастасия Иванова. – Оҕом Дима кып-кыра ыскаапка турар миниатюрнай кинигэлэри көрөн сөхтө. Урукку оҕо сааспытын санатар наһаа үчүгэй сахалыы кинигэлэр бааллар. Уолум оннук кинигэни ылан сыттаан баран, наһаа дьикти сыттаах диэтэ”.
Бэстибээлгэ кинигэлэри атастастылар, кинигэлэр, сувенирдар кэллиэксийэлэрин көрдүлэр, тапталлаах суруйааччыларыттан илии баттааһыннаах кинигэлэрин ыллылар. Аһаҕас микрофоҥҥа хоһоон аахтылар, литературнай куонкурустарга, биктэриинэлэргэ кытыннылар.
Эдьигээҥҥэ олимпийскай чөмпүйүөн Роман Дмитриев кэриэһигэр үөрэнээччилэр ортолоругар мас тардыһыыга күрэх түмүктэннэ. Күрэхтэһиигэ 60-тан тахса…
Айсен Николаев уонна Степан Саргыдаев оробуочай мунньахтарыгар Чурапчы улууһун социальнай-экэнэмиичэскэй сайдыытын боппуруостарын дьүүллэстилэр. Степан Саргыдаев…
Бу сыл олунньу 2 күнүттэн ИТ-исписэлиистэр «Госуслуги» портаалга 2026 сылга аармыйаттан босхолонууга сайабылыанньа биэриэхтэрин сөп.…
Олунньу 3 күнүгэр биир дойдулаахпыт, СӨ үтүөлээх артыыската, дьоҥҥо-сэргэҕэ тыйаатыр уонна киинэ артыыһын быһыытынан киэҥник…
Олунньу 3 күнүгэр сарсыарда эрдэ ЫБММ сүрүн управлениетыгар Мииринэй куоракка Ойуунускай уулуссаҕа турар аралдьытар киин…
Бу туһунан Судаарыстыбаннай Дума Бэрэссэдээтэлэ Вячеслав Володин иһитиннэрдэ. Ийэ хапытаалын кээмэйэ улаатта. Бастакы оҕо төрөөтөҕүнэ дьиэ…