Хаартыска: СахаДэй
Бастакы лүөччүк дьахтар, Аҕа дойду сэриитин кыттыылааҕа Вера Захарова Өлүөхүмэ оройуонугар 1920 сыл от ыйын 12 күнүгэр төрөөбүтэ.
1934 сыллаахха дьиэ кэргэнинэн Дьокуускайга көһөн кэлбиттэрэ. 1937 сыллаахха Вера летнай-планернай оскуолаҕа киирбитэ, онон аэрокулуупка ылыллыбыт бастакы кыыс этэ.
Кини парашютистар кулууптарыгар үөрэммитэ, По-2 сөмөлүөтү көтүтэрэ. Парашюттан 20-тэ ыстанан, парашютист-инструктор аатын ылбыта. 1940 сыллаахха Москваҕа авиа-оскуолаҕа туттарса барбыта, ол эрээри, суолга хаайтаран, хойутаан хаалан, Москватааҕы физкультура институтугар киирбитэ. Онтон Аҕа дойду сэриитэ саҕаламмыта…
Сэрии бастакы күннэригэр Вера дьүөгэлэрин кытта военкомакка баран, сайабылыанньа суруйбуттара. 1944 сыл олунньутугар сэриигэ барарга көҥүллээбиттэрэ. Захарова бааһырбыттары быыһаан, күҥҥэ хаста да фронт лииньийэтигэр көтөрө. Атырдьах ыйыгар диэри кини санитарнай сөмөлүөтүгэр 200-тэн тахса ыараханнык бааһырбыт байыастары аҕалбыта. Фроҥҥа көтөрүгэр таһаҕаһы, эмтэри, буостаны, сэрии сэбин, бородууктаны тиэнэн барара.
1944 сыл атырдьах ыйын 6 күнүгэр Вера Захарова сөмөлүөтэ Польша үрдүнэн бааһырбыт байыастары тиэнэн, көтөн иһэн, табыллыбыта. Лүөччүк дьахтары Торн куоракка концлааҕырга хаайбыттара. 1945 сыл тохсунньутугар сэбиэскэй буойуннар босхолообуттара. Сэрии бүтүөр диэри санитарнай аивация лүөччүгүнэн сулууспалаабыта.
Е-Якутия порталга «”Забота” байыаннай сулууспалаах дьиэ кэргэнин пааспара» өҥө саҥаттан таһаарыыта үлэҕэ киирбитин туһунан СӨ…
Байыаннай дьайыыга сылдьар уолаттарга наадалаах таҥаһы тигии салҕанар. [gallery ids="248668,248669"] Алтынньыга Кэбээйи улууһун Куокуй нэһилиэгин…
СӨ Борокуруора Максим Попов сорудаҕынан, өрөспүүбүлүкэ борокуратууратын аппараата үлэ быраабын тутуһуу боппуруостарыгар «Якутия» ФАПК үлэһиттэрин …
Түүллэргэ киирэр аптаах оҕолор сырыыларын туһунан кэпсиир «Түүлчээннэр» диэн саҥа сахалыы ойуулук сериала бу сыл…
Бу күннэргэ «Саха сирэ – Дьоруойдар сирдэрэ» бырагыраама курсаана Валерий Петров Ньурбаҕа «КөмүсКэл» сыах тэриллибитэ…
Дойду тыйаатырдара аатырбыт “Щелкунчик” туруорууну репертуардарыгар киллэрэн, хайаан да көрдөрөллөр. Ол да курдук, Саха сиригэр …