Хаартыска: "Комсомольская правда"
Аксения Посельская – саха бастакы балерината, талааннаах педагог, хореограф-туруорааччы, тэрийээччи. Кини олоҕун бүтүннүү хореографияҕа анаабыта.
1966 сыллаахха кини көҕүлээһининэн Дьокуускайдааҕы култуурунай-сырдатар училищеҕа хореографическай отделение аһыллыбыта. Бу Саха сиригэр үҥкүү ускуустубата сайдарыгар төһүү күүс буолбута. Кини үгүс үөрэнээччилэрэ биллэр-көстөр үҥкүү кэлэктииптэрин салайааччылара буолбуттара.
Аксения Васильевна 1924 сыллаахха Чурапчы улууһун Хоптоҕо нэһилиэгэр төрөөбүтэ. Драматическай куруһуоктарга сылдьан, балекка үөрэммитэ. Онтон Москватааҕы хореография академиятыгар икки сыллаах стажировканы барбыта.
Кини муусука-сыана ускуустубатыгар М.Жирков уонна Г.Литинскэй «Полевой цветок» диэн бастакы саха балеттарыгар Сир Симэҕин оруолунан киирбитэ. Бу испэктээкилгэ Аксения аан бастакынан пуантаҕа атаҕын төбөтүгэр турбута. Бу кэнниттэн «Бахчисарайский фонтан» диэн Б.Асафьев балетыгар Мария баартыйатын толорбута.
Кини олоҕор төһө да ыарахаттар баалларын иһин, ускуустубаҕа тапталын бүтэһик тыыныгар диэри илдьэ сылдьыбыта. Кини кыыһа Наталья Посельская олоҕун эмиэ классическай хореография сайдыытыгар анаабыта.
Билигин Аксения, Наталья Посельскайдар ааттарын Дьокуускайдааҕы балетнай оскуола сүгэр.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…