Хаартыска Е.Егорова архыыбыттан
Бу күннэргэ Саха Өрөспүүбүлүкэтин култууратын үтүөлээх үлэһитэ, «Кинилэр дьоллорун Мииринэйгэ уһаммыттара» кинигэ ааптара Николай Крылов көҕүлээһининэн Дьокуускай куорат 2-с N-дээх оскуолатыгар олус сэргэх тэрээһин буолан ааста диэн биһиги ааҕааччыбыт Елизавета Егорова суруйар.
«Александра Степановнаҕа, Люлия Николаевнаҕа, Нина Гаврильевнаҕа барҕа махталбын тиэрдэбин. Ийэ дойдуну таптыырга, Аҕа дойдуга бэриниилээх буоларга, идэни таба таларга дириҥ ис хоһоонноох кэпсэтии тахсыбыт. Бары олус сэргэхтик, интэриэһинэйдик кэпсээтилэр. Оҕолор оччотооҕу кэм үҥкүүтүн үҥкүүлээбиттэрэ, уус-уран билиһиннэрии оҥорбуттара, ырыа бэлэхтээбиттэрэ эрдэттэн бэлэмнэммиттэрин, кыһаммыттарын көрдөрөр. Бары боччумуран олорон иһиттилэр. Нина Гаврильевна сиэнэ эбэтин туһунан хоһоону аахпыта тэрээһиҥҥэ иһирэх тыыны биэрдэ. Бэлиэ турара буоллар, 2-с N-дээх оскуолаҕа эһиги кылааскыт историятын билиһиннэрэр диэн бүччүм санаатын Николай Крылов эттэ.
Оскуола дириэктэрэ Василий Владимиров бэйэтинэн арыаллыы сылдьыбыта, оттон норуот дьокутаата Антонина Григорьева үлэтин түбүгүттэн быыс булан, бу тэрээһиҥҥэ кэлэн кыттыбыта олус сэргэхситтэ», — диэн кини кэпсиир.
Оскуола завучтарыгар Елена Иннокентьевнаҕа, Оксана Владимировнаҕа, тэрээһини салайбыт эдэр учууталларга барҕа махталын тиэрдэр! 2-с N-дээх оскуола «легендарнай» кылааһын үөрэнээччитигэр, Николай Крыловка чэгиэн-чэбдик туругу, уостубат уоҕу, самныбат санааны, олоҕор үгүс үөрүүлээх, дьоллоох түгэннэри баҕарар!
Олус үчүгэй, көдьүүстээх тэрээһин буолан ааспытын, саха ыччата алмаастаах куораты тутуспуттарын сорохтор билбэттэрэ да буолуо, саҥа истибит да буолуохтарын сөп. Ону бу кинигэҕэ үйэтитэн таһааран, биллэн-көстөн эрэллэриттэн наһаа үөрэбит диэн бу тэрээһиҥҥэ сылдьыбыт дьон этэллэр.
Бу күннэргэ Улуу Кыайыы 80 сылыгар улуустарга уонна нэһилиэктэргэ Бэтэрээннэр искибиэрдэрин саҥардан оҥордулар, Кыайыы болуоссаттарыгар…
Ыам ыйын 8-9 күннэригэр Үөһээ Бүлүү улууһун Мэйик нэһилиэгэр Кыайыы 80 сылын көрсөр тэрээһин үрдүк…
Улуу Кыайыы 80 сылын көрсө, Аҕа дойду Улуу сэриитин кыттыылааҕа, ууну-уоту ортотунан ааһан, Улуу Кыайыыны…
Ыам ыйын 6 күнэ. Ил Дархан дойду Үөрэҕин миниистирэ Сергей Кравцовы кытта Дьокуускайдааҕы кадетскай оскуолаҕа…
Сунтаарбыт саамай элбэх үөрэнээччилээх, улахан кээмэйдээх оскуолатыгар быйыл улахан өрөмүөн үлэтэ ыытыллар. "Модернизация школьных систем"…
Дьокуускай куорат аҕам саастаах олохтоохторо түөкүттэргэ итэҕэйэн 23 мөлүйүөн солкуобайы уордарбыттарын туһунан ИДьМ пресс-сулууспата иһитиннэрэр.…