Хаартыска: Ил Дархан пресс-сулууспата
Саха Өрөспүүбүлүкэтин үөрэхтээһиҥҥэ уонна наукаҕа миниистирин бастакы солбуйааччы Алевтина Аргунова ыам ыйын 15 күнүгэр брифинг кэмигэр иһитиннэрбитинэн, быйыл дойду үрдүк үөрэҕин кыһаларыгар байыаннай эпэрээссийэ кыттыылаахтарыгар уонна кинилэр оҕолоругар туспа квота көрүллэр. Квота бүддьүөт миэстэтин уопсай кээмэйиттэн 10% итэҕэһэ суох буолуоҕа.
«Туспа квота бакалавриат уонна бүддьүөт миэстэлэрин бырагыраамаларыгар эрэ сыһыаннаах. Үөрэх бырагыраамаларыгар туспа квота чэрчитинэн бэриллэр миэстэ ахсаанын анал саайтка киирэн билсиэххэ сөп”, — диэн Алевтина Аргунова иһитиннэрдэ.
Ону сэргэ туспа квотанан үөрэххэ ылыллар быраабынан байыаннай эпэрээссийэ кыттыылаахтара, кинилэр оҕолоро, РФ дьоруойдара уонна Хорсун буолуу үс уордьанынан наҕараадаламмыт дьон туһаналлар.
Үөрэххэ киирии сайабылыанньатын Судаарыстыбаннай өҥөлөргө “Үрдүк үөрэх кыһаларыгар киирии онлайн” сиэрбис, үөрэх тэрилтэлэрин бэйэлэрин онлайн-сиэрбистэрин нөҥүө, Арассыыйа почтатынан ыытыахха сөп эбэтэр талан ылбыт үөрэххит кыһатын хамыыһыйатыгар тиийэн докумуоннары туттарыахха сөп.
Кэрэхсээбит ыйытыыларгытын СӨ Үөрэхтээһиҥҥэ уонна наукаҕа министиэристибэ 506-989 (байыаннай эпэрээссийэ кыттыылаахтарын оҕолорун өйүүр дьаһаллар) эрийэн билиэххэ сөп.
Үлэ Ил Дархан Айсен Николаев байыаннай эпэрээссийэ кыттыылаахтарын уонна кинилэр оҕолорун өйүүр дьаһаллар тустарынан ыйааҕын толорон ыытылларын санатабыт. Өрөспүүбүлүкэҕэ үөрэхтээһин систиэмэтигэр барыта 13 социальнай өйөбүл баар.
Ахсынньы 8 күнэ. Айсен Николаев РФ Бэрэсидьиэнигэр стратегическай сайдыыга уонна национальнай бырайыактарга Сэбиэт мунньаҕар кытынна.…
Дьокуускайтан Москваҕа, Санкт-Петербурга, Сочига, Владивостокка уонна атын куораттарга субсидиялаах авиабилиэттэр атыыга таҕыстылар. Ону таһынан Нерюнгриттан…
Ил Дархан «Доруобуйа харыстабылын сайыннарар уонна дьон доруобуйатын бөҕөргөтөр стратегическай хайысхалар тустарынан» ыйааҕар сөп түбэһиннэрэр,…
Өймөкөөн улууһугар борокуратуура ирдэбилинэн, киһини өлөрүүгэ сууттаммыт буруйдаах өлбүт киһи аймахтарыгар 1,3 мөлүйүөнтэн тахса солкуобайы…
Бу күннэргэ киин улуустарга тымныы күн-дьыл туран, үгүспүт хаһан сылыйарын кэтэһэн эрэбит. Норуот синоптига Тускул…
Үүнэр саҥа сыл бастакы 12 күнүн хайдах атаараҕын да, сылыҥ оннук ааһыа. Ол эбэтэр, биир…