Саха сирин тустууктарыгар киэҥ аартыгы тэлбит, тустууга саха омук кыаҕын көрдөрбүт ааттаах бөҕөспүт Николай Семенович Захаров-Сахаачча 1948 сыллаахха ахсынньы 20 күнүгэр Амма аттынааҕы Арҕаа сэлиэнньэҕэ күн сирин көрбүтэ. Бүгүн кини төрөөбүтэ 74 сыла буолла.
Айылҕаттан дэгиттэр уол оскуолаҕа үөрэнэ сылдьан успуордунан үлүһүйбүтэ. Сүүрүү, баскетбол, волейбол, хайыһар, теннис күрэхтэһиилэрэ кинитэ суох барбаттара. Көҥүл тустуунан кэлин Саха АССР үтүөлээх тириэньэрэ буолбут Н.М. Давыдов салалтатынан дьарыктаммыта. Ахсыс кылаас кэнниттэн Чурапчытааҕы успуорт интэринээт-оскуолатыгар Д.П. Коркиҥҥа тиийэн маастарыстыбатын чочуйбута.
1966 сыллаахха, тохсуска үөрэнэ сылдьан, ССРС тыа сирин спортсменнарын түһүлгэлэригэр чөмпүйүөн үрдүк аатын ылбыта. Онтон салгыы ССРС уолаттарга чөмпүйэнээтигэр, Польшаҕа ыытыллыбыт социалистическай дойдулар уолаттарын турнирыгар тэҥнээҕин булбатаҕа. 1969 сыллаахха Минскэй куоракка буолбут ССРС чөмпүйэнээтигэр үрүҥ көмүс мэтээли ылары ситиспитэ, улахан дьоҥҥо Европа чөмпүйэнээтигэр кыттар дойду сүүмэрдэммит хамаандатыгар киллэриллибитэ. Бу күрэхтэһииттэн төннөн иһэн, Дьокуускайга өрөспүүбүлүкэ чөмпүйэнээтигэр 68 киилэҕэ диэри ыйааһыҥҥа бастаан, тустууктары да, тириэньэрдэри да сөхтөрбүтэ уос номоҕо буолан сылдьар. Биллэрин курдук, Николай 57, 62 киилэлээхтэргэ тустара.
Ити сыл София куоракка буолбут Ыччаттар уонна устудьуоннар аан дойдутааҕы бэстибээллэригэр үрүҥ көмүс мэтээли ылыыта, аан дойду аччыгый чөмпүйэнээтинэн ааттаммыт Тбилиситээҕи уонна Дана Колов кэриэһигэр (Болгария) норуоттар икки ардыларынааҕы турнирдарга миэстэлэһиитэ кини тустуук быһыытынан сиппитин-хоппутун, саҥа кыайыыларга бэлэмин кэрэһилээбиттэрэ. Николай Семенович Захаров 1969 сыллаахха күн сириттэн хомолтолоохтук туораабыта.
Роман Попов, 2017 с. архыыптан.
Интэриниэттэн ылылыннылар.
Сэтинньи 7 күнүгэр, түүн 03:04 чааска, баһаарынай-быыһыыр сулууспаҕа Муомаҕа Хонуу сэлиэнньэтигэр, Сэбиэскэй уулуссаҕа баар чааһынай…
Ю.А.Готовцев аатынан Дьокуускайдааҕы өҥө технологическай тиэхиньикума уонна Казахстан Өрөспүүбүлүкэтин Астана куоратын Казахстаннааҕы потребительскай сойуус үрдүкү…
«Мисс Вселенная-2025» аан дойдутааҕы кэрэ кыргыттар күрэхтэрэ бу сыл сэтинньи 21 күнүгэр Таилаҥҥа ыытыллыаҕа. Мода…
«Вызов Севера» идэтийбит бокс киэһэтин чэрчитинэн, саха многоборьеһа, Дыгын оонньууларын кыайыылааҕа Алексей Уваровскай уонна Манчаары…
Бүгүн, сэтинньи 7 күнүгэр Саха араадьыйата үбүлүөйүн бэлиэтиир. Лоп курдук 95 сыл анараа өттүгэр, 1930…
Суут быһаарбытынан, 41 саастаах сууттанааччы дьахтар урут итирик туруктаах массыына ыыппытын иһин административнай эппиэккэ тардылла…
