Кирбэйгэ – “Бакалдын”

Өлөөҥҥө Кирбэй нэһилиэгэр “Бакалдын” бырааһынньык Ытык сиргэ буолан ааспыт. Ол туһунан Кирбэй нэһилиэгиттэн Надежда Колодезникова маннык кэпсээтэ.

— Быйыл “Бакалдын” бырааһынньыгын ыытарбытыгар халлааммыт туран биэрдэ, маспыт-оппут көҕөрөн үөртэ.   Бырааһынньыкка култуура өттүгэр кэнсиэр буолла. Сугулаан бочуотунай грамоталарын туттардылар.

Киэһэ өттүгэр  дьон көрсөн, кэпсэтэн, өбүгэ аһын амсайдылар. Мас тардыһыыта, хапсаҕай уонна хотугу многоборьеттан көрүҥнэргэ күрэхтэстилэр. Сүрүн бирииһи улууспут туруорда – тэлэбиисэри. Атын көрүҥнэргэ Кирбэй нэһилиэгэ бэйэтэ бириистэри олохтоото.

Киэһэ өттүгэр “Бакалдын мааны хотуна “куонкурус  сэргэхтик ааста.

Хаартыска: Р.Томская ыытта