Кирэдьиит биэрэллэригэр бааннар кирэдьиит устуоруйатын учуоттаабат буоллулар дуо?

Бу күннэргэ социальнай ситимнэринэн бааннар кирэдьиит биэрэллэригэр кирэдьиит устуоруйатын учуоттаабат буоллулар  диэн сымыйа сурах тарҕанна.

От ыйын 1 күнүттэн Арассыыйа Баанын саҥа сокуон күүһүгэр киирэр, онно кирэдьиит устуоруйатын туһунан пуун баар. Ону сорох дьон сыыһа «тойонноон», аны кирэдьиит биэрэллэригэр бааннар кирэдьиит устуоруйатын учуоттаабат буолуохтара диэн сымыйа сураҕы тарҕаттылар.

«Бу сонун сымыйа. Чахчытыгар Киин Баан кирэдьиит устуоруйатын туһаныыны тохтоппотоҕо. Төттөрүтүн иэс ылааччы дохуотун сыаналыырга бу биир сүрүн ньыманан буолар. Оттон саҥа уларыйыыларынан  аны килийиэн дохуотун кирэдьиитин устуоруйатыгар эрэ олоҕуран быһаарар бобуллар буолла», – диэн баан үлэһиттэрэ быһаараллар.

Ол курдук, бааннар иэс ылааччы иэһин ноҕуруускатын көрдөрүүлэринэн уонна дохуотун бигэргэтэр официальнай докумуоннарга олоҕуран суоттуур эбээһинэстэннилэр. Бу манна 2-НДФЛ ыспыраапкалар, нолуок декларациялара, баан счетуттан выпискалар уонна Арассыыйа Биэнсийэтин пуондатын дааннайдара киирэллэр. Ону таһынан үлэ ыстааһа уонна кирэдьиит устуоруйата суох 18 саастаах эдэр дьоҥҥо бааннар уруккуларын курдук олус сэрэнэн сыһыаннаһыахтара.