Кирэдьиит поручителиттэн массыыната былдьанна

Дьокуускай куорат суут бириистэптэрин отделениетыгар кирэдьиит дуогабарынан иэс ылыллыбыт харчыны ирдиир туһунан суут уурааҕа киирбит, диэн Саха сиринээҕи Суут бириистэптэрин федеральнай сулууспа управлениетын пресс-сулууспата суруйар.

Ол курдук, 36 саастаах урбаанньыт кирэдьиит кэпэрэтиибин кытта 3 мөлүйүөн солкуобайдаах кирэдьииккэ дуогабар түһэрсибит. Ону таһынан урбаанньыт 4 аймахтара бу дуогабарга эбэһээтэлистибэни толорорго поручитель быһыытынан эбээһинэс сүкпүттэр.

Суут ирдэбилинэн уонна баай-дуол балаһыанньатын бэрэбиэркэлээһин түмүгүнэн биир поручитель хамсаабат баайын-дуолун сүтэрдэ. Дьыала түмүгүнэн 2007 сыллааҕы «Toyota Camry» мааркалаах массыына кирэдьиит суотугар былдьанна. Билигин тырааныспар сыанатын быһаарыыга чинчийиигэ бэрилиннэ, ол кэннэ массыына атыыланыаҕа.