Хаартыска sakha.gov.ru ылылынна
Бүтүн Арассыыйатааҕы «Семья года — 2024» куонкуруска Саха сириттэн икки ыал кыайыылааҕынан таҕыста. Кинилэри Кириэмил дыбарыаһыгар бэҕэһээ, алтынньы 18 күнүгэр, эҕэрдэлээтилэр.
Муома улууһуттан кыттыбыт көс олохтоох дьиэ кэргэн Василий уонна Елена Соловьевтар «Семья — хранитель традиций» номинация, Ньурбаттан эдэр ыал Константин уонна Валерия Владимировтар «Народная симпатия» онлайн-куоластааһын кыайыылаахтарынан буоллулар.
«Маннык улахан куонкуруска Саха сириттэн дьиэ кэргэттэр кыайыылара — биһиги Сахабыт сиригэр Оҕо саас, Арассыыйаҕа Дьиэ кэргэн сылыгар бэлиэ түгэнинэн буолар. Ис сүрэхпиттэн эҕэрдэлиибин«, — диэн бэлиэтиир Ил Дархан Айсен Николаев бэйэтин ТГ-ханаалыгар.
Куонкурус эрэгийиэннээҕи түһүмэҕэр Соловьевтар «Көс олохтоох дьиэ кэргэн» номинацияҕа кыайбыттара. Кинилэр биэс оҕолоохтор. Удьуор табаһыттар. 2013 сыллаахха «Эрикит» диэн община тэриммиттэр. Бу дьиэ кэргэн нэһилиэк, улуус, өрөспүүбүлүкэ уонна Арассыыйатааҕы куонкурустарга көхтөөхтүк кыттар.
Владимировтар «Эдэр дьиэ кэргэн» номинацияҕа өрөспүүбүлүкэҕэ ыытыллыбыт түһүмэххэ кыайыылааҕынан тахсыбыттара.
Бүтүн Арассыыйатааҕы куонкуруска ыытыллыбыт онлайн-куоластааһыҥҥа Саха сирин олохтоохторуттан, уопсайа 29 тыһыынчаттан тахса киһи куоластаабыт. Валерия уонна Константин — тэрээһиннэргэ, күрэстэргэ көхтөөхтүк кытталлар, остуол тенниһигэр маастарга кандидаттар, араас турнирдар хас да төгүллээх чөмпүйүөннэрэ уонна призердара. Кыыстара Сандаара Ньурбаҕа С.Васильев аатынан гимназияҕа 5 кылааска үөрэнэр.
Тэрийээччилэр иһитиннэрбиттэринэн, куонкуруска биэс сүрүн номинациянан («Многодетная семья», «Молодая семья», «Сельская семья», «Золотая семья», «Семья – хранитель традиций») 388 дьиэ кэргэн кыттыбыт — РФ 88 субъегыттан эрэгийиэннээҕи куонкурус кыайыылаахтара. Бүтүн Арассыыйатааҕы «Семья года» куонкурус кыайыылаахтарынан 88 дьиэ кэргэн буолла.
Тэрийэр кэмитиэт чилиэттэрэ бэлиэтээбиттэринэн, эрэгийиэннээҕи куонкурустар кыттыылаахтарын ахсаана сыллата элбээн иһэр. Быйыл 11 000 тахса кыттааччы бэлиэтэммит, ити былырыыҥҥытааҕар үс төгүл элбэҕэ ыйыллар.
СӨ Ил Дарханын уонна Бырабыыталыстыбатын пресс-сулууспата
Бүгүн "Саха сирин амтана" гастрономическай бэстибээл саха аһын ыалдьыттарга билиһиннэрэр "Махтал" эрэстэрээҥҥэ аһылынна. Тэрээһин Марий…
Хоту дойдуттан кэлэр сонуннар биһиэхэ олус күндүлэр. Ыраах Аллайыаха улууһун Бөрөлөөх нэһилиэгин олохтооҕо Надежда Дьяконова…
Суотту агрооскуолата элбэх көлүөнэ үөрэнээччилэрин өбүгэ үйэлээх үгэстэригэр, үлэ сатабылларыгар иитэр-үөрэтэр уопута өрөспүүбүлүкэ тас өттүгэр…
Кэбээйи улууһун уопсастыбаннаһа фронтовик суруйааччы Тимофей Сметанин төрөөбүтэ 105 сылыгар анаан бүгүн өйдөбүнньүк стелатыгар сибэкки…
Бу мин суруйаары олорор ыстатыйам дьоруойа чахчы ыстатыйа аатыгар толору барсар олоҕу олорон аастаҕа. “Биирдэ…
Бүгүҥҥүттэн, сэтинньи 25 күнүттэн, «Арктика» айан суолун 0+000 км – 187+000 км (Бурустаах м. –…