@suntaar_ulus
️125 сыл анараа өттүгэр Кириэстээххэ (урукку Наахара нэһилиэгэр) аан бастакы үөрэх кыһата – церковнай-приходской оскуола аһыллан, үөрэхтээһин тиһигэ саҕаламмыта. Бу туһунан Сунтаар улууһун дьаһалтатын пресс-сулууспата иһитиннэрэр.
Бу кэмтэн ыла араас көлүөнэ үөрэнээччилэр үөрэҕи-билиини ыланнар дьоһуннаах дьон буолбуттара. Кинилэр ортолоругар бааллар: наука дуоктардара Иванов Алкивиад Исидорович, Максимов Григорий Николаевич, Филиппов Виктор Михайлович, Коколова Людмила Михайловна, биллиилээх судаарыстыбаннай диэйэтэллэр Семенов Яков Алексеевич, Спиридонов Иван Григорьевич, Арассыыйа бочуоттаах фермерэ, Хотугу Сулус орден кавалера Коколов Михаил Иннокентьевич, саха норуотугар киэҥник биллибит суруйааччы Семенов Иннокентий Федотович, норуот ырыаһыта Амбросьев Ксаверий Андреевич, дойдуга алмаас устуоруйатын түмэлин арыйан үлэлэппит энтузиаст-учуутал Конобулова Марфа Христофоровна, о.д.а.
Билигин үөрэҕирии тиһигэр оҕолор оскуоланы оробуочай идэни баһылаан, анал докумуоннаах бүтэрэллэр. Оскуола политехническэй хайысханы ылынан инновационнай былаһаакка быһыытынан үлэтин саҕалаабыта. Манна электромонтер уонна иистэнньэҥ идэлэригэр үөрэнээччилэр үс сыл үөрэнэн диплом ылаллар. Ол курдук, инженернэй-техническэй хайысханы үөрэтиигэ, оҕолору уһуйууга оскуола толору хааччыллыылаах.
Үбүлүөйдээх тэрээһиҥҥэ араас кэмнэргэ үөрэммит выпускниктар, бэтэрээн үлэһиттэр тоҕуоруһа муһуннулар. 2022 сыллаахха тутуллан үлэҕэ киирбит, саҥа технологияларынан толору хааччыллыылаах дьиэни сэргии көрдүлэр. Үөрэнээччилэр илиилэринэн айан таһаарбыт быыстапкалара дьон болҕомтотун тартылар. Тэрээһиҥҥэ улуус баһылыга Анатолий Григорьев кытынна, наҕараадалары туттартаата.
Дьокуускай куоракка итирик туруктаах суоппартан сылтаан үс киһи эмсэҕэлээбитин туһунан Куораттааҕы госавтоиниспиэксийэ иһитиннэрдэ. Барыллаан быһаарыллыбытынан,…
Алтынньы 7-11 күннэригэр Саха сиригэр Уйулҕа доруобуйатын харыстыыр нэдиэлэ ыытыллар. Бу нэдиэлэ алтынньы 10 күнүгэр…
Киин куораппыт кэлиҥҥи сылларга тупсан, дьон сынньанарыгар анаан араас былаһааккалар, искибиэрдэр оҥоһуллаллар. Ол гынан баран…
Алтынньы 24 күнүгэр киэһэ 18.00 чаастан Марфа уонна Сергей Расторгуевтар ааттарынан Саха цииркэтигэр Гаврил Николаев…
РИА Новости суруйарынан, сорох категория биэнсийэлээхтэр 440 тыһ. солк. тиийэр биир кэмнээх төлөбүрү ылыахтарын сөп. …
Киһи аһаан күүс ылар. Күн аайы хас биирдиибит амтаннаах аһы сиэн үлэлииригэр, сайдарыгар сэниэ эбинэр.…