Кириэстээххэ — сибэкки күнэ

Сатабыллаах хаһаайкалар  алаһа  дьиэлэрэ дьыл ханнык да кэмигэр араас сибэккинэн киэркэйэр.

Сунтаар улууһун Кириэстээх сэлиэнньэтигэр биир күн  дьиэ сибэккилэригэр ананна диэн   олохтоох бибилэтиэкэ ТГ ханаалыгар иһитиннэрдилэр.

-Көрөргүт курдук бу күҥҥэ бэлэмнэнэн хаһаайкалар араас сиэдэрэй сибэккилэри, үүнээйи саҥа салааларын (отросток) эрдэттэн бэлэмнээн атыыга, атастаһыыга, бэлэххэ таһаардылар. Уопуттаах хаһаайкалар Людмила Пайдютова, Наталья Васильева, Интерна Дорофеева, Любовь Попова, Венера Петрова,  Катя Тороп, Вера Саввинова кыһыҥҥы кэмҥэ дьиэ сибэккитин хайдах көрөр-харайар ньымаларын үллэһиннилэр, сүбэ-соргу биэрдилэр. Марианна Васильева, Фаина Федорова, Евдокия Никитина дьиэттэн араас отростоктары, сибэккилэри атастастылар, оскуолаҕа үбүлүөйүнэн бэлэх ууннулар. Бары да кэрэ көстүүттэн дуоһуйан, санаа үллэстэн тарҕастыбыт. Кэлэр сылга маннык тэрээһини күһүн арыый эрдэ ыытарга санааларын эттилэр, — диэн бибилэтиэкэ үлэһиттэрэ кэпсээтилэр.

Маны таһынан, кэлбит дьон  кинигэ, хаһыат, сурунаал эгэлгэтин, быыстапканы көрдүлэр, туһалаах диэбиттэрин илдьэ бардылар.