Кириһиэнньэ: Сэрэбиэйдэһэбит дуо?

Сэрэбиэй көрүҥэ элбэх, биһиги олортон, сэрэбиэйдэниэх тустааххыт диэбэтэрбит даҕаны, быһа тардан билиһиннэрэбит.

Атах таҥаһынан сэрэбиэйдэнии

Саамай судургу уонна тарҕаммыт көрүҥ. Эдэр кыыс хаҥас атаҕын таҥаһын устан, аан модьоҕотун биитэр түннүк нөҥүө быраҕар. Атах таҥаһа төбөтүнэн дьиэ диэки сытар буоллаҕына, быйыл эргэ тахсыбат.

Куосканан

Дьиэ-кэргэн таптаан иитэр бу харамайын Кириһиэнньэ киэһэ хоско ыҥыраннар, хайдах хааман киирэрин көрөллөр. Уҥа атаҕын бастатара – табыллыыны түстээтэ диэн үөрэр, оттон хаҥас атаҕа басатан көһүннэҕинэ, ыарахаттары көрсөргө бэлэмнэнэр эбиттэр.

Тоҥмут уунан

Иһиккэ уу кутан таһырдьа таһааран хонноруллар. Сарсыарда киллэрэн көрдөххө, үллэ тоҥмут үү үчүгэйи билгэлиир, уола тоҥмут куһаҕаны түүйэр.

Түөрэх кэбиһиитэ

Хамыйаҕы (бэргэһэни, үтүлүгү…) холобур, бултуу баран эрэ дьон: “Байанайбыт үчүгэй хараҕынан көрүөх буоллаҕына, олордьу түс!” — диэн баран быраҕаллара. Хамыйах олордьу түстэҕинэ, булт тосхойууһу диэн эрэллээх айанныыллара.

edersaas.ru архыыбыттан