Хаартыска: СИА.
Тохсунньу 18-19 күннэригэр Дьокуускайга Күөх Хонуу аттыгар ыытыллыбыт Кириһиэнньэ сөтүөтүгэр 2209 киһи кытынна диэн куорат гражданскай оборуонаҕа уонна ыксаллаах быһыыга-майгыга управлениетын салайааччы Николай Егоров иһитиннэрэр.
Кириһиэнньэ — православнай итэҕэллээхтэр 12 сүрүн бырааһынньыктарыттан биирдэстэрэ. Бу күн Иисус Христос сибэтиэй ууга киирэн, сүрэхтэммит. Икки тыһыынчаттан тахса сыл устата бары таҥара дьиэлэригэр уонна өрүстэргэ, күөллэргэ ууну сибэтии гыналлар.
Тохсунньу 18 күнүгэр Өлүөнэ өрүскэ оҥоһуллубут Кириһиэнньэ ойбонун Дьокуускайдааҕы, Ленскэйдээҕи епархия үлэһиттэрэ сибэтии гыммыттара. Бу кэнниттэн уу сибэтиэй буолар дииллэр. Сибэтиэй ууга умсаахтаабыт киһи аньыыта-харата сотуллар, ыраастанар диэн итэҕэйэллэр. Таҥара дьиэлэригэр баран, сибэтиэй ууну эмиэ ылыахха сөп.
Быыһыыр сулууспа, полиция үлэһиттэрэ сөтүө кэмигэр ыксаллаах быһыы-майгы тахсыбатын туһуттан, күнүстэри-түүннэри дьуһуурустубалаабыттара, бэрээдэги көрбүттэрэ. Таҥнарга сылаас балаакка баар этэ. Күнүс дьону оптуобус таспыта.
Бэнидиэнньик сарсыарда куорат сулууспалара Кириһиэнньэ сөтүөтэ буолбут сирин хомуйдулар, ойбонун аттыгар сэрэтэр бэлиэлэри туруордулар. Бу кэнниттэн куорат дьаһалтатыгар түмүктэри таһаарар мунньах буолуоҕа.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…