Кирилиэс уоран баран, болкуоҥҥа ыттыбыттар

ИДьМ Дьокуускайдааҕы 3-с №-дээх отделын дьуһуурунай чааһыгар бородуукта маҕаһыынын бэрэстэбиитэлэ биллибэт дьон дьоҕус кирилиэһи уорбуттарын туһунан иһитиннэрбит. Бу туһунан СӨ ИДьМ пресс-сулууспата суруйар. Хоромньу 7 тыһ.солк. тэҥнэспит.

Суһал-ирдиир тэрээһиннэри ыытан, холуобунай ирдэбил үлэһиттэрэ 33 уонна 39 саастаах дьон уорбаланарын быһаарбыттар. Биирдэстэрэ эрдэ сууттана сылдьыбыт.

Эр дьон маҕаһыын күүлэтигэр ким да суоҕун көрөн, онно турар дьоҕус кирилиэһи сойбоппуттар. Кинилэр кэпсээбиттэринэн, кирилиэһи ылан кыбартыыраларыгар киирэ сатаабыттар. Дьиэлэриттэн күлүүһэ суох тахсан хаалбыттар, онуоха ааннара хатанан хаалбыт. Онон уорбут кирилэстэринэн болкуоҥҥа ыттан, дьиэлэригэр киирбиттэр. Салгыы кирилиэһи иҥэриммиттэр.

Уоруллубут малы төннөрбүттэр уонна холуобунай дьыала тэриллибит.