sakha.gov.ru
Олунньу 10 күнүгэр Аллараа Кураанахха СӨ Бырабыыталыстыбатын Бэрэссэдээтэлэ Кирилл Бычков судаарыстыбаннай былаас толорор уорганнарын үгэс буолбут отчуотун олохтоохтор иннилэригэр ыытта. Көрсүһүү кэмигэр бөһүөлэк сайдыытын, социальнай эйгэтин уонна нэһилиэнньэ олоҕун хаачыстыбатын сүрүн боппуруостара дьүүллэһилиннилэр.
2027 сылга бэлиэтэниэхтээх Аллараа Кураанах 80 сыллаах үбүлүөйүгэр бэлэмнэниигэ ураты болҕомто уурулунна. Инфраструктураны сайыннарыыга үлэ бара турара бэлиэтэннэ диэн sakha.gov.ru суруйар.
Бөһүөлэккэ хоккейдыыр корт тутуллубут, ускуустуба оскуолатын дьиэтин өрөмүөнэ салҕанар. Онуоха Бырабыыталыстыба Бэрэссэдээтэлэ биир кэлимник сыһыан суолтатын бэлиэтээтэ.
«Биһиги сорукпут — эбийиэктэри тутуу уонна өрөмүөннээһин эрэ буолбатах, ону таһынан каадырынан толоруу, оҕолор кэскиллэрин туһугар кыһаллар идэлээх дьон үлэлиир усулуобуйаларын тэрийии буолар», — диэтэ кини.
Боппуруостар улахан аҥаардара үөрэхтээһин систиэмэтигэр уонна каадырдары бэлэмнээһиҥҥэ ананнылар. Көрсүһүүгэ өрөспүүбүлүкэҕэ сыл аайы орто профессиональнай үөрэх бырагыраамаларынан 7 тыһыынча кэриҥэ бүддьүөт миэстэтэ көрүллэрин санаттылар.
«Ыччат манна, төрөөбүт дойдутугар, бөһүөлэктэн барбакка, ирдэнэр идэни баһылаан үлэлиирэ биһиэхэ тутаах суолталаах», — диэн Кирилл Бычков эттэ. Манан сибээстээн, Аллараа Кураанахха уонна Алдан улууһугар үлэлиир бырамыысыланнас тэрилтэлэрин сүрүн оруоллара бэлиэтэннэ. Бырабыыталыстыба Бэрэссэдээтэлэ эппитинэн, биисинэскэ каадырдары бэлэмнээһиҥҥэ үлэ өссө көхтөөхтүк ыытыллыахтаах.
«Үөрэхтэн үлэ миэстэтигэр диэри — чуолкай уонна бигэ үлэлэр наадалар», — диэн кини эттэ. Ону таһынан, отчуот кэмигэр олохтоохтор күннээҕи олоххо быһаччы дьайар боппуруостары туруорустулар: бөһүөлэк иһинээҕи суоллары өрөмүөннээһин уонна көрүү-харайыы, элбэх кыбартыыралаах дьиэлэри хапытаалынайдык өрөмүөннээһин, салайар хампаанньалар үлэлэрин. Кирилл Бычков бары туруорсуулар сиһилии үлэлэниэхтэрэ диэн эрэннэрдэ.
«Маннык көрсүһүүлэр чопчу нэһилиэнньэлээх пууҥҥа наадалаах быһаарыылары ылынарга ананаллар», — диэн Бырабыыталыстыба Бэрэссэдээтэлэ эттэ.
Аныгы технология үйэтэ биир да сөкүүндэ тохтоон турбат. Олоҕу чэпчэтэр сыалтан мэлдьи туох эрэ саҥа…
Суукка иһигэр өрөспүүбүлүкэҕэ буруйу оҥоруу туһунан 8 иһитиннэрии киирбитэ бэлиэтэннэ. Бу туһунан өрөспүүбүлүкэ дьуһуурунай борокуруора…
Алтынньы 1 күнүттэн Арассыыйа үрдүнэн гаас атыыга сыаната, бырамыысыланнас уонна нэһилиэнньэ курдук туһанааччылар бары категорияларыгар,…
Хотугулуу-Илиҥҥи федеральнай университет (ХИФУ) учуонайдара ыҥырыа бородуукталарыттан уонна эмтээх оттортон оҥоһуллар косметиканы кэҥэтэр былааннаахтар. Бу…
Саха сиринээҕи Росгвардия управлениетын официальнай саайтыгар 14.rosguard.gov.ru байыаннай дьайыыга сэби-сэбиргэли туттарар туһунан иһитиннэриилэри хомуйар онлайн…
Арассыыйа олохтоохторугар биэнсийэҕэ тахсыахтарын инниттэн биэнсийэлэрин мунньуллуутун туругун кэтииллэригэр уонна тус бэйэлэрин счеттарыттан быыпысканы ыйытан…