«Модун» успуорт комплексыгар СӨ Бырабыыталыстыбатын Бэрэссэдээтэлэ Кирилл Бычков «Азия оҕолоро» VIII норуоттар икки ардыларынааҕы спортивнай оонньуулар волонтердарын кытта көрүстэ.
Кирилл Бычков «Азия оҕолоро» оонньуулар СӨ Бастакы Бэрэсидьиэнэ Михаил Николаев көҕүлээһининэн тэриллибитин ахтан туран, аан дойду спортивнай уопсастыбаннаһыгар биллэр тэрээһиҥҥэ тиийэ сайдыбытын бэлиэтээтэ.
Волонтердары кытта көрсүһүүгэ волонтердар бэлиэлэрин эскииһин оҥорууга кыайбыт Марина Вялковаҕа Кыайыылаах сэртипикээтин туттардылар.
«Азия оҕолоро» VIII норуоттар икки ардыларынааҕы спортивнай оонньуулар волонтердарынан 2 тыһыынча киһи үлэлиэҕэ. Уопсайа 6000 сайаапка киирбит. Онтон бастыҥтан бастыҥнар талыллыбыттар.
Сообщить об опечатке
Текст, который будет отправлен нашим редакторам: