Кирилл Бычков: «Биһиги дьыалабыт кырдьыктаах уонна сиэрдээх!»

Кирилл Бычков: «Биһиги дьыалабыт кырдьыктаах уонна сиэрдээх!»

Ааптар:
10.11.2022, 15:00
Бөлөххө киир:

Владимир Путин анал байыаннай эпэрээссийэни ыытар быһаарыыта сыалын хайаан да ситиһиэҕэр, Арассыыйа бу быһыыттан-майгыттан кыайыылаах тахсыаҕар дойду олохтоохторун эрэлэ улахан. Тоҕо диэтэххэ, биһиги дьыалабыт кырдьыктаах уонна сиэрдээх. Ол да иһин дойду хайа баҕарар муннугар дьон-сэргэ инники күөҥҥэ киирсиигэ барбыт дьоммутугар, кинилэр дьиэ кэргэннэригэр көмөтө, өйөбүлэ күнтэн күн күүһүрэн иһэр. Түмсүүлээх норуот – кыайыылаах.

Бу туһунан СӨ Бырабыыталыстыбатын бэрэссэдээтэлин бастакы солбуйааччы Кирилл Бычков санаатын үллэстэр:
— Луганскай, Донецкай өрөспүүбүлүкэлэр уонна Запорожскай, Херсонскай уобаластар олохтоохторо киһилии үчүгэй олоххо олоруохтарын баҕарбыттара ыраатта. Референдум түмүктэрэ итиэннэ Арассыыйа салалтата ылыммыт дьаһаллара устуоруйа хаамыытын кинилэр баҕаларын хоту быһаардылар. Ити быһаарыылар, бастатан туран, дьон сылтан сыл кутталга олорботторун, көҥүл уонна дьоллоох олох туһугар туһуланнылар.
Салгыы үлэбит үгүс. Ол курдук Саха сирэ, дойду бүттүүнүн курдук, сэрииттэн эмсэҕэлээбит сирдэри чөлүгэр түһэриигэ бу сааскыттан ыла күүскэ кыттыһа сылдьар. Биһиги өрөспүүбүлүкэбит Донецкайга баар Кировскай куораты чөлүгэр түһэриини тус эппиэтинэһигэр ылынан, дьиэлэри өрөмүөннээһин, араас тутуу үлэлэрин ыытта. Биһиги уопуттаах исписэлиистэрбит ДНӨ «Комсомолец Донбасса» шахтатыгар чоҕу хостуур производствоны чөлүгэр түһэриигэ көмөлөһөллөр, сүбэлэри биэрэллэр.
Биир улахан сорукпут – Ийэ дойдубутугар суоһуур кутталы туоратыыга ыҥырыллан баран, анал байыаннай дьайыыларга кытта сылдьар дьоммутугар көмөлөһүү. Онуоха дойду Бэрэсидьиэнэ ылыммыт быһаарыыларыттан биирин да энчирэппэккэ, онтон туораабакка, чопчу толоруох тустаахпыт. Бу өттүгэр өрөспүүбүлүкэ өттүттэн туох кыаллар көмө барыта оҥоһулла турар.
Дьоҕус уонна орто урбаан бэрэстэбиитэллэрэ быстах ыҥырыыга сылдьар дьоммутугар сорох бааннар уонна кирэдьиит биэрэр тэрилтэлэр кирэдьииккэ каникулу көрдөөбүттэрин аккаастыыр түбэлтэлэрэ баарын биллэрбиттэрин туһунан Ил Дархан Айсен Николаев ыйбыта. Онон бу кэмнэргэ бааннары, министиэристибэлэри, биэдэмистибэлэри мунньан, сайабылыанньылары кытта үлэ хайдах барарын, туох уустуктар уонна ыарахаттар баалларын быһаарсыыга ыкса үлэлэстим. Санатан эттэххэ, кирэдьиит каникулун ылар туһунан сайабылыанньаны быстах ыҥырыыга сылдьар киһи бэйэтэ эбэтэр кини чугас дьоно офиска, бааҥҥа тиийэн эбэтэр төлөпүөнүнэн биэриэхтэрин сөп.
Владимир Путин анал байыаннай эпэрээссийэни ыытар быһаарыыта сыалын хайаан да ситиһиэҕэ, Арассыыйа бу быһыыттан-майгыттан кыайыылаах тахсыаҕар эрэлбит улахан, биһиги дьыалабыт кырдьыктаах уонна сиэрдээх!

Лента
Салгыы
5 февраля
  • -38°C
  • Ощущается: -38°Влажность: 74% Скорость ветра: 1 м/с

Сообщить об опечатке

Текст, который будет отправлен нашим редакторам: