Кирилл Бычков Бырабыыталыстыба мунньаҕын ыытта

СӨ Бырабыыталыстыбатын Бэрэссэдээтэлэ Кирилл Бычков бүгүн, тохсунньу 29 күнүгэр, өрөспүүбүлүкэ миниистирдэрин кэбиниэтин уочараттаах мунньаҕын ыытта.

Элбэх кыбартыыралаах дьиэҕэ уопсай баайы-дуолу хапытаалынай өрөмүөннээһиҥҥэ киирэр өҥө уонна үлэ суолталаах испииһэгэ ылылынна, ол хапытаалынай өрөмүөн үбүнэн үбүлэнэр. Маны сэргэ, СӨ Бырабыыталыстыбатын «Об утверждении нормативов финансирования расходов на обеспечение государственных гарантий реализации прав на получение общедоступного и бесплатного дошкольного образования в дошкольных образовательных организациях, в расчете на одного воспитанника в год, коэффициентов, учитывающих особенности организации и осуществления образовательной деятельности дошкольных образовательных организаций, методики расчета объема субвенций и порядка предоставления и расходования субвенций местным бюджетам на обеспечение государственных гарантий реализации прав на получение общедоступного и бесплатного дошкольного образования в дошкольных образовательных организациях» уурааҕар уларыйыылар киирдилэр, ону сэргэ, СӨ култуура уонна духуобунай сайдыы министиэристибэтин уонна кэллиэгийэтин туһунан Балаһыанньаҕа кэккэ уларыйыылар киирдилэр.

Элбэх кыбартыыралаах дьиэҕэ хапытаалынай өрөмүөн өҥөтүн уонна үлэтин испииһэгиттэн элбэх кыбартыыралаах дьиэлэргэ уопсай баайы-дуолу тэрийиини кытта сибээстээх хатыланар пууннар уонна үлэлэр тиһиктэрэ ылылыннылар (сотулуннулар) уонна үлэ саҥа көрүҥнэрэ быһаарылыннылар. Ол курдук, алдьаммыт билиитэлэри уларытыы, оҥоруу эбилиннэ — бу үлэ дьиҥинэн, уопсай баайы-дуолу хапытаалынай өрөмүөннээһин үлэтин кэмигэр толоруллар. Наада буоллаҕына инженернэй чинчийиилэри ыытар өҥөлөр эбилиннилэр, акылаатын, фасадын, кырыыһатын, дьиэ иһинээҕи уунан, гааһынан, уотунан хааччыйыы систиэмэлэрин өрөмүөннүүр үлэлэр суолталааҕынан ааҕылыннылар. Ил Дархан Айсен Николаев урут бэлиэтиибитин курдук, элбэх кыбартыыралаах дьиэлэри хапытаалынай өрөмүөннээһин бырагырааматын олоххо киллэрииттэн уонунан тыһыынча дьон-сэргэ олоҕун хаачыстыбата быһаччы тутулуктаах.

Хапытаалынай өрөмүөн эрэгийиэннээҕи бырагыраамата бүгүҥҥү туругунан 3 328 кэриҥэ элбэх кыбартыыралаах дьиэни хабар. Итинтэн 13%  мас дьиэлэр, барыта 459 эбийиэк. Хапытаалынай өрөмүөн пуондата тэриллиэҕиттэн уонна 2025 сылга хапытаалынай өрөмүөн 1 834 элбэх кыбартыыралаах дьиэҕэ ыытыллыбыт. Ол түмүгэр 232 тыһ. тахса киһи олорор усулуобуйата тупсарыллыбыт.

Сиһилии: https://www.sakha.gov.ru/news/19385

СӨ Ил Дарханын уонна Бырабыыталыстыбатын пресс-сулууспата