Хаартыска: Мария Васильева, СИА
Саха сирин Бырабыыталыстыбатын бэрэссэдээтэлэ Кирилл Бычков салалтатынан Дьокуускай куоракка ситэриилээх былаас түмүк отчуота буолла.
СӨ премьерэ экэнэмиичэскэй уонна социальнай тиэмэлэри, ону тэҥэ өрөспүүбүлүкэҕэ бөдөҥ инфраструктурнай бырайыактары олоххо киллэрии боппуруостарын таарыйда.
Кини национальнай уонна федеральнай бырайыактарынан Саха сиригэр дьиҥнээх улахан тутуу үлэтэ барарын билиһиннэрдэ: суоллар, олорор дьиэлэр уонна социальнай эбийиэктэр үлэҕэ киирэллэр.
«2022 сыллааҕы дааннайдары тэҥнээтэххэ, 2023 сылга бырамыысыланнай оҥорон таһаарыытын индексэ 100,8 бырыһыаҥҥа тэҥнэстэ. Нэһилиэнньэ дьиҥнээх дохуотун үүнүүтэ 104,7 бырыһыаҥҥа тиийдэ. Үлэ ырыынагар балаһыанньа тупсан иһэр. Үлэтэ суох буолуу таһыма 0,9 бырыһыанынан намтаата уонна 5,6 бырыһыан үрдээтэ», — диэн Кирилл Бычков бэлиэтээтэ.
Мунньах кыттыылаахтара отчуот кэмигэр бырабыыталыстыба чилиэттэригэр элбэх боппуруоһу биэрдилэр. Кинилэртэн үгүстэрэ экэниэмикэ, социальнай эйгэ, үөрэх, Дьокуускай куорат маастар-былаана, нэһилиэнньэлээх пууннары гаастааһын уонна уопсастыбаннай көҕүлээһиннэри өйөөһүн туһунан тиэмэлэр таарылыннылар.
Саха сирин бырабыыталыстыбатын чилиэттэрэ быйыл олунньуттан кулун тутарга ыйга диэри 439 нэһилиэккэ сырыттылар, итини тэҥэ 28 тыһыынчаттан тахса нэһилиэнньэни кытта көрүстүлэр.
Отчуот саха киһитин олоҕун бары эйгэтин хабар, тыа хаһаайыстыбатыттан ниэп-гаас салаатыгар тиийэ.
СӨ Ил Дарханын уонна Бырабыыталыстыбатын пресс-сулууспата.
Оҕо биллиилээх суруйааччыта Агния Барто төрөөбүтэ 120 сылын көрсө, Өлүөхүмэ улууһун Кыыллаах нэһилиэгэр кырачааннарга аналлаах…
Сытыйа байбыт баайдар, урбаанньыттар, улахан тойоттор Эпштейн диэн киһини кытта хайдах, туох дьаабыламмыттара биллэн эрэр.…
Ааспыт сылга спортсменнар ылбыт мэтээллэрэ -- 700. Саха сирин спортсменнара былырыын юниордар күрэхтэһиилэригэр 379 мэтээли…
Олунньу 15 күнүгэр Арчы дьиэтигэр Абый улууһун дьоно-сэргэтэ түмсэн оһуокайдаата. Манна Абый улууһуттан Дьокуускайга олорор…
Дойду федеральнай уокуруктарынан Нерюнгри куоракка кулун тутар 19-23 күннэригэр ыытыллар Арассыыйа чөмпүйэнээтигэр кыттарга сүүмэрдиир күрэхтэһиилэр…
Атамайга "Радуга" уһуйааҥҥа "Чобуо чуорааннар" бырайыак бэһис төгүлүн үрдүк таһымнаахтык ыытылынна. Бу уһуйаан иитиллээччилэригэр төрөөбүт…