Хаартыска sakha.gov.ru ылылынна
СӨ Бырабыыталыстыбатын Бэрэссэдээтэлэ Кирилл Бычков ДНӨ Докучаевскай куоракка өрөмүөннүүр, чөлүгэр түһэрэр үлэлэр хаамыыларын бэрэбиэркэлээтэ.
Саха сирин исписэлиистэрэ ыкса сибээс олохтоммут куоратыгар 65 эбийиэги чөлүгэр түһэрэллэр. Сүрүн болҕомто куорат социальнай инфраструктуратыгар ууруллар.
—-Бары үлэлэр күһүн түмүктэниэхтэрэ. Үлэни-хамнаһы көрөн үөрдүм. Дьоҥҥо-сэргэҕэ эрэннэриллибит болдьоххо сыал-сорук туоларыгар эрэнэбин, — диэн бэлиэтиир Кирилл Бычков.
Чөлүгэр түһэриигэ олохтоох оскуола уонна успуорт былаһаакката, киин балыыһаҕа рентген-хос, Чехов паарката уонна сөтүөлүр сирдээх успуорт комплекса бааллар.
Бу иннинэ Саха сирин исписэлиистэрэ Докучаевскай уокуругар Еленовкаҕа элбэх хайысханы толорор киини (МФЦ) үлэҕэ киллэрбиттэрэ, куорат киин балыыһатыгар рентгенниир диагностикалыыр комплексы оҥорбуттара, билигин түннүктэри уларыталлар, олорор дьиэлэргэ үлэлииллэр.
Санатан эттэххэ, Саха сирэ ДНӨ Кировскай куоратын кытары ыкса сибээһи олохтообута.
Биэс уон социальнай инфраструктура эбийиэгэ чөлүгэр түһэриллибитэ. Куорат киин балыыһата, икки оскуола, үс уһуйаан, музыка оскуолата, бибилэтиэкэ өрөмүөннэммиттэрэ. Ититэр ситими өрөмүөннээбиттэрэ, куорат уулуссаларын уоттара оҥоһуллубуттара. Тоҕус оскуолаҕа пищеблок уота-күөһэ чөлүгэр түһэриллибитэ, Кыайыы паарката уонна оҕо спортивнай былаһаакката тупсарыллыбыттара. Маны сэргэ, МФЦ аһыллыбыта, ИТ-киин баар буолбута.
Саха сирэ Кировскайга куорат балыыһата мэдиссиинэ саҥа тэрилинэн хааччылларыгар көмөлөспүтэ. Саҥа рентген-аппараат атыылаһыллан туруоруллубута. Билигин онно куорат олохтоохторо уонна чугастааҕы оройуоннартан дьоннор кэлэн көрдөрөллөр. Саха сириттэн харах быраастарын биригээдэтэ Донбасс олохтоохторун эмтээбитэ.Кировскайга 2023 сыл алтынньытыттан 700 киһи аан бастаан көрдөрбүт, 340 киһини эпэрээссийэлээбиттэр.
СӨ Ил Дарханын уонна Бырабыыталыстыбатын пресс-сулууспата
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…