Хаартыска: sakhagov.ru
Бырабыыталыстыба бэрэссэдээтэлэ Кирилл Бычков Докучаевскайга Саха сирэ туппут эбийиэктэрин бэрэбиэркэлээтэ.
Кини куорат инфраструктурата биллэ уларыйарын, куорат олохтоохторугар табыгастаах уонна куттала суох усулуобуйа тэриллэрин тоһоҕолоото.
Сүрүн учаастактартан биирдэстэринэн куорат паарката буолар, ол саҥардыллан эрэр. Былырыын бэлэмнэнии түһүмэҕэ түмүктэнэн, эргэ тутуулары өрөмүөннээтилэр, киирэр суоллар оҥоһулуннулар, билииккэ уурулунна, тротуардар оҥоһулуннулар. Быйыл оҕо уонна спорт былаһааккаларын оҥорууга, аһыыр сири тэрийиигэ, сири-уоту сырдатыыга уонна тупсарыыга үлэ саҕаланна.
“Үлэ барыта тэтимнээхтик уонна былааннаахтык ыытыллар, биһиги күүспүт дьоҥҥо табыгастаах уонна куттала суох олорор усулуобуйаны хааччыйыыга туһуланар”, — диэн Кирилл Бычков санаатын үллэһиннэ.
Өссө биир суолталаах эбийиэгинэн Оҕо айымньытын дыбарыаһа буолар. Тэрилтэ урукку оҕо саадын уларытан оҥоһуллубут дьиэҕэ баар. Өрөспүүбүлүкэ бырабыыталыстыбатын бэрэссэдээтэлэ эбийиэккэ өр кэмҥэ хапытаалынай өрөмүөн ыытыллыбатаҕын бэлиэтээтэ. Ол да буоллар, киин оҕолор уруккуттан олус сөбүлүүллэр: 3 тыһыынча кв. м. иэннээх дьиэҕэ 570 оҕо дьарыктанар.
Билигин учаастакка 20-чэ киһи эргэрбит штукатурканы көтүрэн, муосталары арыйан, уот ситимин уларытан, дьиэ үрдүн бүрүйүү үлэтин ыытар.
«Бу эбийиэк бэрт сотору кэминэн оҕолору уонна ыччаты угуйар, тардар киининэн уонна хас биирдиилэрэ дьоҕурун сайыннарар сиринэн буолуоҕар эрэллээхпин», — диэтэ бырабыыталыстыба бэрэссэдээтэлэ.
Саха сирин исписэлиистэрэ быйыл социальнай эйгэҕэ ураты болҕомтону ууран туран, уон биир инфраструктура эбийиэгин чөлүгэр түһэрэр былааннаахтар.
Сиһилии: https://www.sakha.gov.ru/news/4425
— Сүөһү төбөтүгэр бэриллэр харчы ханна тиийдэ. “Быһа эпииргэ” боппуруос биэрбитим, баччааҥҥа диэри хоруй кэлэ илик.…
Тыгын Дархан пааматынньыга постаменын кытта 4 миэтэрэ 30 см үрдүктээх. Бүгүн Хаҥалас улууһугар ытык Куллаты…
Саха сиригэр байыаннай дьайыы бэтэрээннэрэ буолбут урбаанньыттары өйүүр кэккэ миэрэлэр олоххо киирэллэр. Федеральнай уонна эрэгийиэннээҕи…
Дьокуускайга ааспыт суукка устата сураҕа суох сүппүт алта киһи булулунна. Бу туһунан ИДьМ пресс-сулууспата иһитиннэрэр. …
Бүгүн, алтынньы 16 күнүгэр, И.Е. Винокуров аатынан Намнааҕы педагогическай кэллиэскэ профессиональнай үөрэх тэрилтэлэрин ортолоругар «Сыл…
«Дальний Восток — Земля приключений» куонкурус үһүс сезонун биэс ыйдааҕы түмүгүнэн, дьүүллүүр сүбэ көрүүтүгэр 352…