Хаартыска: sakha.gov.ru
Саха сирин Бырабыыталыстыбатын бэрэссэдээтэлэ Кирилл Бычков «Доруобуйа харыстабыла» национальнай бырайыак чэрчитинэн хапытаалынай тутуу эбийиэктэрин боппуруостарыгар сүбэ мунньаҕы тэрийэн ыытта.
Мунньахха«Доруобуйа харыстабыла» национальнай бырайыагынан доруобуйа харыстабылын бастакы звеноларын саҥардыы бырагыраама чэрчитинэн 9 эбийиэги тутуу хаамыыта көрүлүннэ. Олор истэригэр Сунтаар улууһун Элгээйи нэһилиэгин амбулаторията, Амма улууһун симиэнэҕэ 200 киһини көрөр поликлиниката, Ньурба, Бүлүү куораттарын, Нам сэлиэнньэтин, Үөһээ Бүлү улууһун Үөдүгэй нэһилиэгин эмтиир куорпустара, Мэҥэ Хаҥалас улууһун Майа сэлиэнньэтин, Кэбээйи улууһун Сангаар бөһүөлэгин балыыһа комплекстара уонна Аллараа Бэстээх бөһүөлэк участактааҕы балыыһата.
Премьер-миниистир бу эбийиэктэр ураты хонтуруолга сылдьалларын уонна бырайыактары олоххо киллэриигэ үлэни түргэтэтэргэ сорудахтаата. «Национальнай бырайыактарга тутуу үлэтэ барыта үрдүк хаачыстыбалаахтык уонна олохтоммут болдьоҕунан толоруллуохтаах. Бастакы тымныылар түһүөхтэригэр диэри 2025 сылга үлэҕэ киллэрэргэ былааннаммыт бары эбийиэктэргэ бырайыактыыр-симиэтэлиир докумуоннарыгар судаарыстыбаннай эспэртииһэ түмүктэнэрэ наадалаах»,- диэн Кирилл Бычков сорук туруорда.
Ону тэҥэ сүбэ мунньахха 210 куойка миэстэлээх Дьокуускайдааҕы онкологическай диспансер операционнай блогун вентиляционнай оборудованиетын туруоруу боппуруоһун дьүүллэстилэр.
Таалай күөл кытылыгар, муостатыгар ыы-быччары киһи муһунна. Бары цииркэ артыыһа канаатынан хаамарын долгуйа кэтэһэллэр. Бастаан…
Саха Өрөспүүбүлүкэтин муниципальнай тэриллиилэрин сиригэр уопсай үөрэх тэрилтэлэригэр 1-тан 11 кылааска диэри үөрэнэр элбэх оҕолоох…
Арассыыйаны Чуумпу акыйааҥҥа таһаарыахтаах тимир суол тутуута 1974 сыллаахха саҕаламмыта. Байкал - Амур магистралын уһуна…
Үлэ уонна социальнай сайдыы министиэристибэтэ иһитиннэрбитинэн, өрөспүүбүлүкэҕэ Дьиэ кэргэн, ону тэҥэ Оҕо саас сылын алта…
Өрөспүүбүлүкэ киин куоратыгар Эллэй Боотур муус дыбарыаһыгар "Азия оҕолоро" VIII оонньуулар чэрчитинэн кураш тустуу бастакы…
50 сыл анараа өттүгэр Бүтүн Сойуустааҕы ыччат хамсааһына - БАМ тутуута саҕаламмыта. От ыйын 4…