Хаартыска: видеоттан скрин
Саха сиригэр Өлүөнэ күргэтин тутуу быйылгы түһүмэҕин туһунан ТАСС пресс-кэмпириэнсийэ ыытыллар.
Арассыыйа саҥа тырааныспарын «тымырын» тутуут Российскай Федерация Бэрэсидьиэнэ Владимир Путин сорудаҕынан олоххо киллэрэллэр, диэн СӨ премьерэ Кирилл Бычков бэлиэтээтэ.
«Бу бырайыакка Бэрэсидьиэн өйөбүлэ олус улахан суолталаах. Бэрэсидьиэн бу бырайыагы Уһук Илин эрэгийиэн сайдарыгар биир саамай тирээн турар суолталаах бырайыак быһыытынан сыаналаабыта билигин олоххо киирэр уонна саамай судургута суох инфраструктурнай эбийиэгинэн буолар», — диэтэ Кирилл Бычков.
СӨ Бырабыыталыстыбатын Бэрэссэдээтэлэ иһитиннэрбитинэн, күргэни тутуута 2028 сылга түмүктэниэхтээх.
«Бырайыак ураты уонна ханнык да бырайыакка тэҥнэммэт, ол аата ханнык баҕарар түгэҥҥэ күүтүллүбэтэх өттүттэн тэхиниичэскэй харгыстар үөскүөхтэрин сөп. Итини учуоттаан, биһиги 2028 сылга бу көрдөрүүнү ситиһэрбит быһыытынан сыаналыыбыт».
Өлүөнэ күргэтинэн айан-сырыы кыра массыыналарга босхо, оттон таһаҕас тиэйэр тырааныспардарга төлөбүрдээх буолуоҕа. «Тирэх ноҕурууската, мин өйдүүрбүнэн, А14-тии буоллаҕына, 14 туоннаҕа тэҥнэһэр», — диэн кини бэлиэтээтэ. Онуоха премьер этэринэн, күргэ конструкцията иккилии ноҕуруусканы аһардар кыахтааҕын эттэ.
Санатан эттэххэ, Өлүөнэ күргэтэ икки балаһалаах, сууккаҕа 5 тыһыынча массыынаны аһарар кыахтаах буолуоҕа. Хас биирдии балаһата 5,5 миэтэрэ кэтиттээх.
«Бу ханнык эмэ түгэҥҥэ утары балаһанан эбэтэр реверсивнай айан-сырыыны тэрийэр кыаҕы биэриэҕэ. Сорох түгэннэргэ ДПС үлэһиттэрэ көмөлөрүнэн тахсыбыт быһылааны түргэнник туоратар сабаҕаланар».
Ааспыкка улахан убайбыт Улахан Сахаар туһунан ахтан санаан ааспытым. Билигин Аччыгый Сахаар туһунан кэпсиэхпин баҕарабын.…
Илиҥҥи экэнэмиичэскэй пуорумҥа (ИЭП) Саха Өрөспүүбүлүкэтэ уонча сыл устатыгар 200-тэн тахса сөбүлэһиини түһэристэ. Олору олоххо…
Аһыырбытыгар сыһыаннаах сиэр-туом туһунан билэҕин, истибитиҥ дуо? Тугу билиэхтээх, тутуһуохтаах эбиппитий? Айыы үөрэҕэ тугу этэрий,…
Балаҕан ыйын 1 күнүгэр Дьокуускайга өссө биир саҥа оскуола аанын тэлэччи арыйда. Бу Бастакы Бэрэсидьиэммит…
Байыаннай дьайыы кыттыылаахтарын оҕолоругар өйөбүлү оҥоруу Саха Өрөспүүбүлүкэтин үөрэҕин уонна билимин министиэристибэтин үлэтин биир сүрүн…
СӨ И.Н. Егоров - Горнай аатынан харахтарынан мөлтөхтүк көрөр дьон анал бибилэтиэкэлэрэ Өрөспүүбүлүкэтээҕи анал коррекционнай…