Кирилл Бычков Өлүөнэҕэ кыра массыыналары тиэйиигэ  Жатай-Төхтүр туорааһынын арыйыыны түргэтэтэргэ соруйда

Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха  “Жатай-Төхтүр” туорааһынын  түргэтэтэргэ соруйда.

Билигин бу туорааһыҥҥа биричээли оҥороллор. Кирилл Бычков 48 чаас иһигэр ледокол арыаллаах паромнарынан кыра массыыналары тиэйии үлэтин саҥардыыны бэлэмнээһин  үлэтин түмүктүүргэ эттэ.

Бүгүн Дьокуускай-Аллараа Бэстээх-Дьокуускай туорааһыныгар  “Саха сирин паромнара” ХЭТ кыра тырааныспары тиэйиини тохтотто. Онон бүгүн, алтынньы 25 күнүгэр, накопитель иһигэр баар эрэ кыра тырааныспары тиэйиэхтэрэ.

Тарыып боппуруоһун эмиэ көрдүлэр. Тиэйээччилэр сыананы үрдэппиттэринэн, Тырааныспар министиэристибэтэ Сыана бэлиитикэтин судаарыстыбаннай кэмитиэтин кытта бииргэ бу төһө сөптөөҕүн бэрэбиэркэлээтилэр.

“Сыана олоҕо суох үрдүө суохтаах. Тиэйээччилэр олохтоммут тарыыбы тутуһуохтаахтар”, — диэтэ Кирилл Бычков. Бу салгын олбохтоох суудуналарга эмиэ сыһыаннаах. Кинилэр 5 тыһыынчаҕа диэри сыананы үрдэппиттэр.

Санатан эттэххэ, кыдьымах киириитинэн Дьокуускай-Аллараа Бэстээх-Дьокуускай хайысхатынан паромнар сырыылара аччаата. Бүгүн буксир көмөтүнэн 4 паром үлэлиир. Сууккаҕа 90-100 массыынаны туораталлар (сайын 570).

Саха Өрөспүүбүлүкэтин Ил Дарханын уонна  Саха Өрөспүүбүлүкэтин Бырабыыталыстыбатын пресс-сулууспата