Хаартыска: СӨ Ил Дарханын уонна Бырабыыталыстыбатын пресс-сулууспата
Саха сирин Бырабыыталыстыбатын бэрэссэдээтэлэ Кирилл Бычков Москваҕа Саха Өрөспүүбүлүкэтин күнүгэр анаммыт үөрүүлээх мунньах кыттыылаахтарын эҕэрдэлээтэ.
Бырааһынньыктааҕы тэрээһин М.В. Фрунзе аатынан Российскай Армия киин дьиэтигэр буолла.
«Бу күн биһиги Саха сирин төрүттэспит ытык дьоммутугар сүгүрүйэбит, инникини былаанныыбыт, үлэбит түмүгүн таһаарабыт, — диэтэ Кирилл Бычков. — Биһиги бу күн Саха Өрөспүүбүлүкэтин Бастакы Бэрэсидьиэнин ахтабыт. Михаил Ефимович Николаев Саха сирин сайдыытыгар сүҥкэн кылааты киллэрбитэ. Биллэн турар, кини туһунан үтүө өйдөбүл биһиги ис сүрэхпитигэр баар. Кини дьикти майгытын, сүдү, муударай тылларын мэлдьи өйдүөхпүт».
Бырабыыталыстыба бэрэссэдээтэлэ Саха сиригэр саҥа бырайыактар ахсаана элбээн, олоххо көдьүүстээхтик киирэрин бэлиэтээтэ уонна бу дойду Бэрэсидьиэнэ Владимир Путин улахан өйөбүлүн түмүгүнэн ситиһиллэрин эттэ. Саха сирэ Уһук Илиҥҥэ, ону кытта бүтүн дойду үрдүнэн сайдыы миэстэтэ буоларын ыйда. «Саха сиригэр сиртэн хостонор баайы хостооһуҥҥа, олорор дьиэлэри, суоллары уонна күргэлэри тутууга саамай улахан инфраструктурнай бырайыактар олоххо киллэриллэллэр, олор ортолоругар Өлүөнэ өрүс күргэтин тутуу», — диэтэ Кирилл Бычков.
Кини ону сэргэ, чуолаан бырааһынньыктааҕы күн, Ил Дархан Айсен Николаев Муусука Үрдүкү оскуолатын дьиэтин бастакы сыбаайатын түһэрии сиэригэр- туомугар кыттыбытын туһунан ыалдьыттарга иһитиннэрдэ. «Бу Бэрэсидьиэммит сорудаҕынан тутуллуохтаах күүтүүлээх эбийиэгинэн буолар. Тутуу саҕаланыыта чопчу Өрөспүүбүлүкэ күнүгэр түбэспитэ ураты суолталаах», — диэтэ СӨ Бырабыыталыстыбатын бэрэссэдээтэлэ.
Түмүгэр Кирилл Бычков Саха сирин социальнай-экэнэмиичэскэй сайдыытыгар кылаатын иһин наҕараадалары туттарда.
СӨ Ил Дарханын уонна Бырабыыталыстыбатын пресс-сулууспата
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…