СӨ Бырабыыталыстыбатын бэрэссэдээтэлэ Кирилл Бычков Саха сирин Национальнай бибилэтиэкэтин бүгүҥҥү күҥҥэ үлэтин кытта билистэ. Көрсүһүүгэ СӨ култууратын уонна духуобунай сайдыытын миниистирэ Афанасий Ноев, «Сбербаан» Саха сиринээҕи салаатын салайааччыта Олег Бугай кыттыыны ыллылар.
Бырабыыталыстыба бэрэссэдээтэлигэр Сбербааны кытта кыттыгас оҥоһуу өйү туһанар «Истиҥ» диэн сахалыы тиэкистэри саҥардар платформаны билиһиннэрдилэр. Ону сэргэ GigaChat база нейроситимигэр хас да сценарийы көрдөрдүлэр. Олор истэригэр Саха сирин цифровой бибилэтиэкэрэ диэн онлайн-көмөлөһөөччүнү. Бу көмөлөһөөччү оцифрованнай докумуоннары кытта үлэлииргэ көмөлөһөр. Бэлиэтээн эттэххэ, Сбербаан уонна Национальнай бибилэтиэкэ оҥоһуу өйү туһаныыга бииргэ сөбүлэһэн үлэлэһиилэрэ бибилэтиэкэ эйгэтигэр былырыын алтынньы ыйтан саҕаламмыта. Бибилэтиэкэ сүрүн улахан ситиһиитинэн, 40 мөл.солк. суумалаах Арассыыйа судаарыстыбаннай бибилэтиэкэтин пуондатын оҥорор Эрэгийиэннээҕи киин бүтүн Арассыыйатааҕы куонкуруһугар кыайыы буолар.
— Билигин Арассыыйатааҕы судаарыстыбаннай бибилэтиэкэ научнай-чинчийэр, реставрациялыыр уонна консервациялыыр тэриллэри атыылаһыынан дьарыктанар. Киин арыллыыта бу сыл сэтинньигэ буолуоҕа, — диэн Национальнай бибилэтиэкэ дириэктэрэ Саргылаана Максимова иһитиннэрдэ. Кирилл Бычков бэлиэтииринэн, өрөспүүбүлүкэ бырабыыталыстыбата Эрэгийиэннээҕи реставрация уонна консервация киинэ тэриллиитин өйүүр. Бу бырайыак олоххо киирэригэр Сбербаан кыттыыны ыларыгар сорудахтаата.
Бибилэтиэкэ пуондатын реставрациялыыр уонна консервациялыыр киин тэриллиитэ аныгылыы ньымалары туһанан сэдэх кинигэлэри, докумуоннары сөргүтэргэ, үйэтитэргэ көмөлөһүөҕэ.
Саха сирин Национальнай бибилэтиэкэтэ 1925 сыллаахха балаҕан ыйын 14 күнүгэр тэриллибитэ. Ааспыт сылга бибилэтиэкэҕэ 47 629 ааҕааччы сылдьыбыт. Бибилэтиэкэҕэ сылдьыы 440 118 тэҥнэһэр.
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…